ବ୍ଯବସାୟ ଆମ ସ୍ବଚ୍ଛ

ଉପସ୍ଥିତ ସ୍ବୟଂ ଅଶ୍ବଙ୍କ ସହିତ

ଦେବା ପାଇଁ ପ୍ରଦର୍ଶନ 

ସ୍ବଚକ୍ଷୁରେ ଦେଖି ପରଖି ଦକ୍ଷତା

ଗ୍ରାହକେ କର ଚୟନ ।

ଶ୍ବେତ ମନୋହର ଅତ୍ଯନ୍ତ କୁଶଳୀ

ତାଲିମପ୍ରାପ୍ତ ମୋ ଅଶ୍ବ

ବେଗବାନ କ୍ଷିପ୍ର ପାରଙ୍ଗମ ଦୁହେଁ

ପାଳନ୍ତି ଆଜ୍ଞା ଅବଶ୍ଯ ।

ଆଦେଶ ମାତ୍ରକେ ଯାଆନ୍ତି ଝପଟି

ପବନ ପ୍ରାୟେକ ଗତି

ଲଙ୍ଘି ବି ପାରନ୍ତି ଖାଲ ଖମା ଢିପ

ନଦୀ ନାଳ ଗଳି କନ୍ଦି ।

ଅଶ୍ବଶାଳାରେ ମୋ ଅଛନ୍ତି ଅନେକ

କିସମ ଜାତି ପ୍ରଜାତି

ତନ୍ମଧ୍ୟରୁ ଶ୍ରେଷ୍ଠ ଏ ଦୁଇଟି ଅଶ୍ବ

ପାଳିଛି ଯତନେ ଅତି ।

ଅର୍ଥ ବିନିମୟେ ଖୁସି ହେଉ ମନ

ନ କରନ୍ତୁ ପଶ୍ଚାତାପ 

ଉଦ୍ଦେଶ୍ଯରେ ଆମ ନାହିଁ ଅଭିସନ୍ଧି

ବ୍ଯବସାୟ ଆମ ସ୍ବଚ୍ଛ ।