Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Shashanka sekhar Ray

Drama Fantasy

5.0  

Shashanka sekhar Ray

Drama Fantasy

ବୁଢା ବରଗଛ

ବୁଢା ବରଗଛ

1 min
361



 ପିଢି ପରେ ପିଢି କେତେ ଯେ ଦେଖିଛି

ଲଙ୍ଗଳା ଶିଶୁରୁ ବୁଢା ହେବାଯାଏଁ

ନାତି ଅଣ ନାତିଙ୍କ ଜନମ ଜାତକ ଧରି

ସେମିତି ମୁଁ ବସି ଚାହିଁ ରହିଅଛି 

କେଉଁ କାଳରୁ ଗାଁ ମୁଣ୍ଡ ନଈକୂଳେ ।


କେତେ ପକ୍ଷୀମାନେ ବାନ୍ଧିଛନ୍ତି ବସା

 ଖେଳିଛନ୍ତି ଡାହି ମାଙ୍କଡ ଲଙ୍ଗଳାପିଲା

ଥକା ମେଣ୍ଟିଛି ଚଲା ବାଟୋଇଙ୍କର

ଉଦୁଉଦିଆ ମୁଣ୍ଡଫଟା ଖରାବେଳେ  

ଶୀତଳ ଛାଇର ମୋ ଝଙ୍କାଳିଆ ଡାଳେ ।


 ଦେଖିଛି ମୁଁ ସୁଖ ଦୁଃଖ ହସ କାନ୍ଦ 

ଏନ୍ତୁଡିଶାଳରୁ ମଶାଣୀଭୂମି ଯାଏଁ 

ଶୁଭ ଅଶୁଭରେ ଏକ ମାତ୍ର ମୂକ ସାକ୍ଷୀ 

କେତେ ଯାନିଯାତରା ମେଳା ମଉଛୁକ

ଝିଅ ବାଦା ନୂଆନୂଆ ବୋହୂ ଆସିବାର ।


ରଜପାନ ଖାଇ ଖିଲି ଖିଲି ହସି 

କେତେ ଯେ କୁମାରୀ ଝୁଲନ୍ତି ଓହଳେ

ପଞ୍ଚାୟତ ସାରା ବସେ ନ୍ୟାୟ ନିଶାପ

 ଘରୁ ଲୁଚି ଲୁଚି ଆସିଥିବା ଖରାବେଳେ

ଶୁଣିଛି କେତେ ଯେ ପ୍ରେମାଳପ ପ୍ରେମୀଯୁଗଳଙ୍କର  ।


ଆଜି କାହିଁ ଲାଗେ ସବୁ ଶୁନଶାନ

ଶୁଭୁନି ପକ୍ଷୀଙ୍କର କଳରବ

ମିଳୁନି ଦେଖିବାକୁ ଲଙ୍ଗଳା ପିଲା ଗୋଟେ

ଥକା ମେଣ୍ଟାଇବାକୁ ବାଟୋଇ ପାଶେ

ନାହିଁ ଯେମିତି  ଆଜି ସମୟ ଟିକକ ।


ନାହି ଝଙ୍କାଳିଆ ଥୁଣ୍ଟା ପରା ମୋ ଡାଳପତ୍ର

ନାହିଁ ଆଉ ସେଦିନର ପୁନେଇଁ ପୋଡପିଠା

ସମୟର ଉଜାଣି ସୁଅରେ ଭାଷିଯାଇଛି

ଭାଇଚାରା ସ୍ନେହବନ୍ଧନ ପ୍ରଥା ପରମ୍ପରାର ମହକ

ଚାହିଁ ଚାହିଁ ଝରାଏ ଆଖିରୁ ଖାଲି ଲୋତକ ।



Rate this content
Log in