ଯାହାଙ୍କ ଲାଗି ଆସିଛ ବନ୍ଧୁ

ଯାହାଙ୍କ ଲାଗି ଆସିଛ ବନ୍ଧୁ

   ଏହି ଦୁନିଆ ବୁକେ,

ସିଏ ତ' ବାପା ମଣିଷ କରେ

  ଓପାସେ ପଡି ଭୋକେ l

ହାତକୁ ଧରି କାନ୍ଧେ ବସାଇ

  ମେଳା ବୁଲାଏ କେତେ,

ଅଳି 'ଅଝଟ ନାଲି ଆଖିରେ

    ଆକଟ ପଣ ସେତେ l

ରକତ ପାଣି କରି ପଢ଼ାଏ

  ପୁଅକୁ ଯେତେ ପାଠ,

ଧାର ଉଧାର କରଜେ ବୁଡି

    ଘରର ମେରିଖୁଣ୍ଟ l

ମାଆ ' ଗଲାଣି କେବେଠୁ ଛାଡି

    ଗାଁ ' ରେ ବାପା ଏକା,

ଚଳୁନି ପାଦ ଦୁଶୁନି ବାଟ

   ପୁଅର ନାହିଁ ଦେଖା l

ଏମିତି ପୁଅ ବଦଳି ଗଲା

   ମରୀଚିକାକୁ ଦେଖି,

ମୋ ' ଭଳି ଦିନେ ତୁ' ବି ଭୋଗିବୁ

ଦୁନିଆ ହେଲା ସାକ୍ଷୀ ।