ଯାହାଙ୍କ ଲାଗି ଆସିଛ ବନ୍ଧୁ
ଯାହାଙ୍କ ଲାଗି ଆସିଛ ବନ୍ଧୁ
ଯାହାଙ୍କ ଲାଗି ଆସିଛ ବନ୍ଧୁ
ଏହି ଦୁନିଆ ବୁକେ,
ସିଏ ତ' ବାପା ମଣିଷ କରେ
ଓପାସେ ପଡି ଭୋକେ ।
ହାତକୁ ଧରି କାନ୍ଧେ ବସାଇ
ମେଳା ବୁଲାଏ କେତେ,
ଅଳି ଅଝଟ ନାଲି ଆଖିରେ
ଆକଟ ପଣ' ସେତେ ।
ରକତ ପାଣି କରି ପଢ଼ାଏ
ପୁଅକୁ ଯେତେ ପାଠ,
ଧାର ଉଦ୍ଧାର କରଜେ ବୁଡି
ଘରର ମେରିଖୁଣ୍ଟ ।
ମା ' ଗଲାଣି କେବେଠୁ ଛାଡି
ଗାଁ' ରେ ବାପା ଏକା,
ଚଳୁନି ପାଦ ଦୁଶୁନି ବାଟ
ପୁଅର ନାହିଁ ଦେଖା ।
ଏମିତି ପୁଅ ବଦଳି ଗଲା
ମରୀଚିକାକୁ ଦେଖି,
ମୋ ଭଳି ଦିନେ ତୁ ବି ଭୋଗିବୁ
ଦୁନିଆ ହେଲା ସାକ୍ଷୀ ।