ନାଚେ ଝିଅ ନାଚେ

ଜୀବନ:

ଜୋର ପାଣି

ଗୋଚର ଦଳ

ଭାତ ଡାଲି ଆଳୁଚକଟା

ପିମ୍ପୁଳି ଦଣ୍ଡାର

କିଆ ଗୋହରି

ଶନିବାରିଆ ସ୍କୁଲ ଯିବା ବେଳେ

ଜୁଡୁବୁଡୁ ଓଦା

ଜନତା ସ୍କୁଲର କରମଙ୍ଗା ଗଛ

ରେଭେନ୍ସା ସୂର୍ଯ୍ୟ ଘଡି ପାଖେ

ଲଟକିଛି।

ନାଚୁଛି :

କଥକଲି

ଓଡିଶୀ

ବିହୁ,ଛଉ,ଘୁମୁରା,ଦାଣ୍ଡିଆ

ଭାରତ ନାଟ୍ୟମ

କେବେ ପୁଣି

ବେଲି,ସାଲସା, ଡିସ୍କୋ

ସେମାନେ କହିଲେ

ନାଚେ ଝିଅ ନାଚେ।

ସମୟ:

ଭୋର ପଞ୍ଚଟାରୁ

ରାତି ଅନିର୍ଦ୍ଦିଷ୍ଟ ଘଣ୍ଟା ଟଙ୍ଗ୍ଟାଙ୍ଗ୍

ଶୁଭିବାଯାଏ।

ମଞ୍ଚ:

ଘର

ରୋଷେଇ ଘର

ଠାକୁର ଘର

ପିଲାଙ୍କ ପଢା ଟେବୁଲ

ଡାଇନିଂ ଟେବୁଲ

ମୋ କ୍ଲାସ୍ ରୁମ୍

ବେଡ୍ ରୁମ୍

ଏବଂ ଡାଇରୀ ପୃଷ୍ଠା।

ଆରମ୍ଭ:

ଏନ୍ତୁଡ଼ି ଶାଳରୁ

କୋକେଇରେ ବୋହୁ ହେବା ପର୍ଯ୍ୟନ୍ତ।