ତତେ ଖୋଜି ଗଲା ବେଳ

କଥାଥିଲା ତୋର-ମୋର ଖେଳ ହେଲେ

କରିବୁ ନାହିଁ ତୁ ଛଳ ,

ମୁଁ ଲୁଚିଲି ଯେବେ ସହଜେ ପାଇଲୁ

ତତେ ଖୋଜି ଗଲା ବେଳ ।

କେଉଁଠି ଅଛୁ ତୁ ଆ'...ଆ...

ନୋହିଲେ ମୁଁ ଆମ ଘରକୁ ଯାଉଛି

ଡାକିଲାଣି ତେଣେ ମାଆ ।(୦)

ମୁଁ-ତୋର କଥାରେ ରାଜିହେଲି ସିନା-

ମନଟା ମୋହର କରୁଥିଲା ମନା ,

କେତେ ବାଗ ତୁହି ଜାଣିଛୁରେ କାହ୍ନା

ଖୋଜି ଥକିଲିଣି ଯାହା ।(୧)

କେଉଁଠି ଅଛୁ ତୁ ଆ'...ଆ...

ନୋହିଲେ ମୁଁ ଆମ ଘରକୁ ଯାଉଛି

ଡାକିଲାଣି ତେଣେ ମାଆ ।

ତୋଅ ମାଆ ସିନା ଦିଏ ସରପୁଳି-

ଉଛୁର ହେଲେ ମୋ ମାଆ ଦେବ ଗାଳି,

ତୋ ସାଥେ ମିଶିଲେ ଘରେ ନିତି କଳି

ଯେଉଁଠି ଥିଲେ ତୁ ଥାଆ ।(୨)

ଆସିବୁ ଯଦିରେ ଆ'...ଆ...

ନୋହିଲେ ମୁଁ ଆମ ଘରକୁ ଯାଉଛି

ଡାକିଲାଣି ତେଣେ ମାଆ ।

କଥାଥିଲା ତୋର-ମୋର ଖେଳ ହେଲେ

କରିବୁ ନାହିଁ ତୁ ଛଳ,

ମୁଁ ଲୁଚିଲି ଯେବେ ସହଜେ ପାଇଲୁ

ତତେ ଖୋଜି ଗଲା ବେଳ ।

କେଉଁଠି ଅଛୁ ତୁ ଆ'...ଆ...

ନୋହିଲେ ମୁଁ ଆମ ଘରକୁ ଯାଉଛି

ଡାକିଲାଣି ତେଣେ ମାଆ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।