ପ୍ରକୃତି ଶକ୍ତି

ସବୁଜ ଶ୍ୟାମଳେ ହସୁଛି ଧରା

କେତେ ଶକ୍ତି ଲୁକ୍କାୟିତ ତା ପରା ।

ସୂର୍ଯ୍ୟର ଦେହରେ ତାପଜ ଶକ୍ତି 

ବିଜ୍ଞାନ କ୍ଷେତ୍ରରେ ସିଏ ପ୍ରଯୁକ୍ତି ।

ଆଲୋକ ସଂଶ୍ଲେଷଣ ପତ୍ରେ ହୁଅଇ

ମୂଳ ମାଟି ତଳୁ ଜଳ ଶୋଷଇ ।

ପତ୍ର ସବୁଜିମା କଣିକା ଦେହେ

ଖାଦ୍ୟ ପ୍ରସ୍ତୁତ ସେ କରିଣ ଥାଏ ।

ସୂର୍ଯ୍ୟ ଆଲୋକରେ କରେ ପ୍ରସ୍ତୁତ 

ଟରବାଇନ୍ ଘୂରେ ଦୂର ପର୍ବତ ।

ପବନ ଶକ୍ତି ସେ ସଂଗ୍ରହ କରେ

ନୀଳ ଆକାଶର ତଳେ ସେ ଘୂରେ ।

ବିଦ୍ୟୁତ୍ ଶକ୍ତିଟି ସୃଷ୍ଟି ହୁଅଇ

ପବନ ଶକ୍ତିକୁ ସୂର୍ଯ୍ୟ ଚାହଁଇ ।

ଜୀବନ ପାଇଁ ତ ଜରୁରୀ ଯାହା

ଚିତ୍ରଟି ଦର୍ଶାଇ ଦେଉଛି ତାହା ।

ବିନା ଶକତିରେ ବଞ୍ଚି କି ହୁଏ

ଜଳ, ସ୍ଥଳ, ବ୍ୟାୟୁ, ଉତ୍ତାପ ସିଏ ।

ଅମ୍ଳଜାନ ବୃକ୍ଷ ଆମକୁ ଦିଏ 

ଅଙ୍ଗାରକାମ୍ଳକୁ ଶୋଷି ସେ ନିଏ ।

ପରସ୍ପର ପାଇଁ ଆମେ ବଞ୍ଚିଛେ

ମରତ ଭୂମିରେ ଆଜି ହସୁଛେ ।