ଲାଇବ୍ରେରୀ
ପ୍ରୋଫାଇଲ୍
ଜୀବେ ଦୟା
ଜୀବେ ଦୟା
1 min
200
ବାସ୍ତବବାଦୀ ଦୁନିଆରେ
ମନୁଷ୍ୟର ଅମାନୁଷିକ କାଣ୍ଡରେ
ନିର୍ବାକ୍ ପଶୁ ପକ୍ଷୀର
ତ୍ରାହି ତ୍ରାହିର ବିକଳ ଚିତ୍କାରରେ
ପାକ୍ଷାଣ ହୃଦୟକୁ ତରଳାଇ
ପାରେ ନାହିଁ କାହିଁକି?
କାହିଁକି ସାଜେ ନିଷ୍ଠୁର
ଆତ୍ମସନ୍ତୋଷ ପାଇଁ ସେ
ନିର୍ବୋଧ ପଶୁ ଉପରେ
ଅତ୍ୟାଚାର କରି ଚାଲେ
ଖାଦ୍ୟ ଦେବା ତ ଦୂରର କଥା
କେହି ବୁଝନ୍ତି ନାହିଁ ତାର ବ୍ୟଥା
ବୁଲା କୁକୁର, ଗାଈଙ୍କୁ
ଗୋଡାଇ ଗୋଡ଼ାଇ କରେ କ୍ଷତାକ୍ତ
ଅନ୍ଧବିଶ୍ୱାସର ବଶବର୍ତ୍ତୀ ହୋଇ
ବିଲେଇ ଦେଖିଲେ ହୋଇ କଠୋର
ପ୍ରହାର ଉପରେ ପ୍ରହାର
ଦିଏ ନିର୍ଦ୍ଦୟୀ ହୋଇ
ବ୍ରହ୍ମାଣ୍ଡର ଶ୍ରେଷ୍ଠ ମସ୍ତିଷ୍କ ମନୁଷ୍ୟ
ଆଚରଣରେ ନିକୃଷ୍ଟ
ଶକ୍ତିପୀଠରେ ଦିଏ ସେ
ଛେଳି କୁକୁଡ଼ାକୁ ବଳି
ମା' କ'ଣ ନିଜ ଛୁଆର ଚାହେଁ ରକ୍ତ?
ଗାଈ କୁ ଗୋମାତା କୁହେ,
ପୁଣି କଂସେଇ ପାଖକୁ ଟେକିଦିଏ।
ଟିକେ ସେନେହ ପାଇଁ
ଡହଳ ବିକଳ ପଶୁ
ପ୍ରେମ ବଦଳରେ ଦିଏ ସେ ପ୍ରେମ
କେବେ ବୁଝିବ ଏ ମାନବ
ଜୀବେ ଦୟା ପରମ ଧର୍ମ
କହି ଯାଇଛନ୍ତି ବୁଦ୍ଧଦେବ
ଯାହାର ଜୀବେ ନାହିଁ ଦୟା
ପରମ ଚାଣ୍ଡାଳ ସେ ବୋଲଇ।
