ମିଛ ସମ୍ପର୍କ
ମିଛ ସମ୍ପର୍କ
କାହାକୁ ଭାବିବି ପର ଏଠି ଭାଇ
କାହାକୁ ପୁଣି ନିଜର,
ଚପେଇଦେବାକୁ ବସିଛନ୍ତି ସବୁ
ମୋ ବିଦ୍ରୋହଭରା ସ୍ୱର।
କାହାକୁ ଭାବିବି ଭଲ ଏଠି ପୁଣି
କାହାକୁ ଭାବିବି ମନ୍ଦ,
ଅନ୍ୟକୁ ଖାଲକୁ ଠେଲିଦେଇ ହାଏ
କିମିତି ମିଳେ ହେ ଆନନ୍ଦ।
କାହାକୁ ଭାବିବି ଠିକ ଏଠି ପୁଣି
କାହାକୁ କହିବି ଭୁଲ,
ସନ୍ତୋଷ ଟିକିଏ ପାଇବା ପାଇଁ ହେ
ବୁଣୁ ଅଛ ଇନ୍ଦ୍ରଜାଲ।
କାହାକୁ ରଖିବି ପାଖରେ ମୋହର
କାହାକୁ କରିବି ଦୂର,
ବିଶ୍ୱାସର ସେତୁ ଭାଙ୍ଗିଦେଇ ତୁମେ
ମାରି ଚାଲୁଅଛ ତିର।
କାହାକୁ କରିବି ବିଶ୍ୱାସ ଏଠି ପୁଣି
କାହାକୁ କରିବି ଅବିଶ୍ୱାସ,
ସାମାନ୍ୟ କେଇଟା ଟଙ୍କା ଲୋଭରେ
ବିଛାଉଛ ନାଗ ଫାସ।
କିଏ ପାଏ ମତେ ଭଲ ପୁଣି ଏଠି
କିଏ କରୁଅଛି ଛଳନା,
ଜାଣିବା ନିହାତି କଷ୍ଟ ହେଉଛି
କରିହେଉନାହିଁ କଳ୍ପନା।
କିଏ ରହିବ ମୋ ସାଥିରେ ପୁଣି
କିଏ ଚାଲିଯିବ ଛାଡି,
ସତେ ଯେପରି ଜୀବନ କ୍ଷେତରେ
ପଙ୍ଗପାଳ ଗଲେ ମାଡ଼ି।