ଲାଇବ୍ରେରୀ
ପ୍ରୋଫାଇଲ୍
ବରଷା ରାଣୀ
ବରଷା ରାଣୀ
ଆଷାଢ଼ ମାସରେ ବରଷା ରାଣୀ
ଆସିଛି ଦେଖ ଭାଇ
ସବୁଜ ପାଟ ପିନ୍ଧିଣ ଦେହେ
ମୁଣ୍ଡେ ଓଢଣୀ ଦେଇ ll
ଧରଣୀ ପେନୁ ଉଠଇ ହସି
ପାଇ ଶୀତଳ ଶମ
ଆହ୍ଲାଦେ ନାଚେ ଜୀବଜଗତ
ପଲ୍ଲବୀ ଅନୁପମ ll
ନିଦାଘ ତାତି ଯାତନା ଭୁଲି
ସାରା ଜଗତ ବାସୀ
ଆଶ୍ବସ୍ତି ଲଭି ତୃପ୍ତି ଉଲ୍ଲାସେ
ହୁଅନ୍ତି ଭାରି ଖୁସି ll
ଗଛର ଡାଳେ ପକ୍ଷୀଏ ସବୁ
ଝାଡ଼ନ୍ତି ତାଙ୍କ ପର
ଆକାଶେ ଦେଖି ମେଘ ମହ୍ଲାର
ଖରାକୁ ନଥାଏ ଡର ll
ମଉସୁମୀର ଆଗମନରେ
ବରଷା ଯାଏ ଝରି
ସଜେଇ ହୁଏ ଧରଣୀ ପେନୁ
ସବୁଜିମାରେ ଭରି ll
ଥୁଣ୍ଟା ଗଛରେ ସବୁଜ ପତ୍ର
କଅଁଳି ଉଠେ ପୁଣି
ଚାଷୀ ଭାଇଟି ଧାନ ବିହନ
କ୍ଷେତରେ ଦିଏ ବୁଣି ll
ଆଷାଢ଼ ଯାଏ ଶ୍ରାବଣ ଆସେ
ଘୋର ବରଷା କାଳ
ଚାଷ କାମରେ ଉଠନ୍ତି ମାତି
ସଭିଏଁ ଚାଷୀ କୂଳ ll
ଶ୍ରାବଣ ପରେ ଭାଦ୍ରବ ଆସେ
ଆସେ ଅଶ୍ଵିନ ମାସ
ବରଷା ରାଣୀ ବିଦାୟ ନିଏ
ଫୁଟାଇ ବୁକେ ହସ ll
