ବରଷା ପାଗ

ଟୁପୁରୁ ଟୁପୁରୁ ବରଷେ ପାଣି 

ଚାହିଁଦେଖ ତେଣେ ମାମୁନି ରାଣୀ-

ତୂଳିଟି ନେଇ 

   ମନଟି ଦେଇ

ମେଘମାଳା ଛବି ଯାଏ ଗାରେଇ ।

ସାରୁ ଗଛ ମୂଳେ ବେଙ୍ଗୁଲୀ ବସି 

ଛୁଆମେଳେ ଗୀତ ଗାଉଛି ହସି ।

ପାଣି ଛିଟିକା 

  ମାରେ ମିଟିକା

ଫୋଟକା ମିଳାଏ ଫୁଟିଫୁଟିକା ।

କାଗଜ ଡଙ୍ଗାଟି ତିଆରି କରି  

ପାପୁନି ଧାଉଁଛି ସରାଗେ ଧରି ।

ସୁଏ ଭସାଇ 

    ଦେବ ଖସାଇ 

ନଦୀ ଜଳେ ସେ ତ ମିଶିଵ ଯାଇ ।

ଆହା କେଡ଼େ ମଜା ବରଷା ପାଗ 

ଯାହାକୁ ଯେମିତି ଲାଗୁଛି ବାଗ ।

ଆପଣା ଢଙ୍ଗେ 

   ଏକା ବା ସଙ୍ଗେ

ଉପଭୋଗ ତାକୁ କରନ୍ତି ରଙ୍ଗେ ।