ଉତ୍କର୍ଷୁ ସାହିତ୍ୟ ଭାଷା

ଜିଲ୍ଲା କେନ୍ଦୁଝର ଜମ୍ଭରା ସୁଗ୍ରାମ 

ସୁନ୍ଦର ଭାଷା ସାହିତ୍ୟ 

ପାଳିଛି ଅନନ୍ୟା ଏକାଦଶତମ

ମହୋତ୍ସବ ସାରସ୍ୱତ ।

ଅନନ୍ୟ ଅନନ୍ୟା ଭବ୍ୟ ଆୟୋଜନ

ସୁନ୍ଦର ଆତିଥେୟତା

ଭରିଥିଲା ପ୍ରାଣେ ଦିବ୍ୟ ଅନୁଭବ

ସଙ୍କଳ୍ପନା ସୃଜନତା ।

ଧନ୍ୟ ସେନାପତି ନାରାୟଣ ଚନ୍ଦ୍ର 

ଧନ୍ୟ ତୁମ ମାତାପିତା

ଅଟେ ମହନୀୟ ଦୃଷ୍ଟାନ୍ତମୂଳକ

ସୁକର୍ତ୍ତବ୍ୟ ଭାଷା ନିଷ୍ଠା ।

ଅଜାଡି ମମତା ସେନେହ ସୋହାଗ

ଗଢିଅଛ ପରିବାର

ଭାବର ବନ୍ଧନେ କରିଛ ସଭିଙ୍କୁ

ଉଜାଗର ଆପଣାର ।

କଳା ସୁସାହିତ୍ୟ ସମାଜ ସେବାକୁ

ଦେଉଛ ଅଗ୍ରାଧିକାର 

ଗୁଣାତ୍ମକ ଶିକ୍ଷା ବିକାଶ ସାଧନେ

ପ୍ରଗାଢ ପ୍ରଯତ୍ନଶୀଳ ।

ଦୂର ଦୂରାନ୍ତରୁ ଆସୁଛନ୍ତି ଧାଇଁ

ଭାଷା ଓ ସଂସ୍କୃତି ପ୍ରେମୀ

ଅନନ୍ୟା ଆଦର୍ଶେ ହୁଅନ୍ତି ଉଦବୁଦ୍ଧ

ପ୍ରଶଂସନ୍ତି ଗୁଣୀଜ୍ଞାନୀ ।

ସ୍ମରଣୀୟ ହୋଇ ରହିଛି ରହିବ

ଗଲା ଡିସେମ୍ବର ଚାରି

ଉପସ୍ଥିତ ହୋଇ ସ୍ୱଚକ୍ଷୁରେ ଆମ୍ଭେ

ଦରଶନ ଅଛୁ କରି ।

ବିଜେ ଜଗନ୍ନାଥ ସୁରମ୍ୟ ମନ୍ଦିର 

ବେଢା ମଧ୍ୟେ ଅଭ୍ୟର୍ଥନା

ପାଲା ମଣ୍ଡପର ପଡିଆକୁ ଲାଗି

ମଞ୍ଚ ହୋଇଥାଏ ବନ୍ଧା ।

ନୃତ୍ୟ ଗୀତ ତାଳେ ହେଲା ଶୁଭାରମ୍ଭ

ସାଂସ୍କୃତିକ ମହୋତ୍ସବ 

ଥିଲେ ମଞ୍ଚାସୀନ ବରେଣ୍ୟ ଅତିଥି

ସୁଧୀବୃନ୍ଦ ସଭାସଦ ।

ମାତୃ ପୂଜନର ମଧୁର ପରଶ

ଅନନ୍ୟାଙ୍କ ଶଙ୍ଖନାଦ

ଲଭି ସମ୍ବର୍ଦ୍ଧନା ପ୍ରତିଭା ସନ୍ତୋଷେ

ଦେଉଥିଲେ ଧନ୍ୟବାଦ ।

ଜଣାଉ ଶୁଭେଚ୍ଛା ହେଉ ପରିପୂର୍ଣ୍ଣ 

ଅନନ୍ୟା ଆକାଂକ୍ଷା ଆଶା

ହେଉ ସୁପ୍ରସାର ରାଜ୍ୟ ଜାତି ସ୍ତରେ

ଉତ୍କର୍ଷୁ ସାହିତ୍ୟ ଭାଷା ।