ପାଞ୍ଚବର୍ଷ ଚୁପ୍

ଆହେ ଜ୍ଞାନି ଗୁଣି ଜନସାଧାରଣ

ଆହେ ଗ୍ରାମ ଦେଶବାସୀ l

ପାଆଁଶ ଟଙ୍କାରେ ମୁଣ୍ଡ ବିକି ଦେଇ

ହୁଏ କାହିଁ ବେଶୀ ଖୁସି ll(1)

ପାଞ୍ଚ ବର୍ଷ ଯାକ ପାଟି ନ ଖୋଲିବ

ମୁହଁରେ ଲାଗିଲା ତୁଣ୍ଡି l

ପାଆଁଶ ଟଙ୍କାରେ ଭଅଟ ବିକିଲ

ଆହେ ଭାଇ ହୁଣ୍ଡା ହୁଣ୍ଡୀ ll2

ଲାଗିଲା ଆଜିଠୁ ମୁହଁରେ ତୁମର

ପାଆଁଶ ଟଙ୍କିଆ ତୁଣ୍ଡି l

କରିଲେ ମିନତୀ ଶୁଣିବ କିଏଟି

ପିନ୍ଧୁଥିଲ କାହିଁ ତୁଣ୍ଡି ll3

ତୁଣ୍ଡି ଖୋଲିବାକୁ ପ୍ରୟାସ କରିଲେ

ଖୋଲିବନି ପାଞ୍ଚ ବର୍ଷ l

ପାଞ୍ଚ ବର୍ଷ ଯାକ ଦେଖୁ ଥିବ ଖାଲି

ଗଣୁଥିବ ମାସ ବର୍ଷ ll4

ତୁଣ୍ଡିର ମୂଲ୍ୟ ତ ସୁଧ ମୂଳ ଦେବ

କର ଦେବ ଖାଲି ଚାଲି l

ପାଆଁଶ ବଦଳେ ପାଞ୍ଚ ଲକ୍ଷ ଦେବ

କେମିତି ଯାଉଛ ଭୁଲି ll5

ବଢୁଛି ପେଟ୍ରୋଲ ବଢିବ ଡିଜେଲ

ତୁମରି ସଭିଙ୍କ ପାଇଁ l

ପାଆଁଶ ପାଖରେ ମୁଣ୍ଡ ବିକି ଦେଇ

ଲାଙ୍ଗୁଡ଼ ଯାକ କିମ୍ପାଇ ll6

ଜନତାର ବଳେ ନେତାଏଁ ଯେତକ

ହୋଇଛନ୍ତି ପ୍ରତିନିଧି l

ଜନତା ଆମର ପାଆଁଶ ପାଖରେ

ହୁଅନ୍ତି ଭାଇ ସମାଧି ll