ଜାତୀୟ ଶକ୍ତିସଂରକ୍ଷଣ ଦିବସ
ଜାତୀୟ ଶକ୍ତିସଂରକ୍ଷଣ ଦିବସ
ଡିସେମ୍ବର ଚୌଦ ଶକ୍ତି ସଂରକ୍ଷଣ
ଦିବସ ଭାବେ ପାଳିତ,
ଶକତି ଅଟଇ ଅତି ମୂଲ୍ୟବାନ
ସଂରକ୍ଷଣ ତା ଉଚିତ l
ଆଜିକା ଯୁଗରେ ବିଦ୍ୟୁତ ବଳରେ
ହୋଇଥାଏ,ସବୁ କାର୍ଯ୍ୟ,
ଘରର ସମସ୍ତ କାମପାଇଁ ଆଜି
ବିଜୁଳି ବତୀକୁ ଖୋଜ l
ବଢିଯାଏ ଆଜି ଲୋକସଂଖ୍ୟା ପୁଣି
ବଢେ ତାଙ୍କ ଆବଶ୍ୟକ,
ଅପଚୟ ପୁଣି ଶକ୍ତିକୁ କରନ୍ତି
ଭୁଲି ଭବିଷ୍ୟତ ତାଙ୍କ l
ହୀରାକୁଦ ଠାରେ ଟରବାଇନ ଘୁରାଇ
ବିଜୁଳି ହୁଅଇ ସୃଷ୍ଟି,
ତାଳଚେର ଠାରେ ବାଷ୍ପ ଦ୍ୱାରା ମଧ୍ୟ
ଜଳଇ ବିଦ୍ୟୁତବତୀ l
କମି ଯାଉଅଛି ଜଳ ସ୍ତର ଏବେ
କୋଇଲା ବି ହୁଏ ଇତି,
ଶଙ୍କଟ ପଡଇ ଶକ୍ତିର ଯେହେତୁ
ସୌର ଶକ୍ତିର ପ୍ରଗତି l
ସୌର ଚୁଲାଆଉ ସୌର ବତୀ ଆଦି
ଅଟେ ବଡ଼ ଉପକାରୀ,
ବ୍ୟବହାର ତାର ହୋଇଲେ ଅଧିକ
ଶକ୍ତି ସଂରକ୍ଷଣ କାରୀ l
ସମୁଦ୍ର କୂଳିଆ ଅଞ୍ଚଳରେ ପୁଣି
ବାୟୁ କୁକାମେ ଲଗାଇ,
ବିଜୁଳି ଶକ୍ତିର ଉତ୍ପନ୍ନ ନିମନ୍ତେ
ଉଚିତ ବ୍ୟବସ୍ଥା ସେହି l
ଆଜିର ଜାତୀୟ ଶକ୍ତି ସଂରକ୍ଷଣଦିନେ
ଆସରେ ଶପଥନେବା,
ଶକ୍ତି ଅପଚୟ କରିବାନିକେହି
ଯତ୍ନ ତାହାର କରିବା l