ଶୀତ ସକାଳ

ପିଲାଦିନ କଥା ଶୀତ ସକାଳରେ

ମନ ସଦା ହେଉଥାଏ ।

ସକାଳ କେମିତି ଡେରିରେ ହୁଅନ୍ତା 

ଶୋଇ ପଡନ୍ତି ଟିକିଏ ।୧।

ଶୀତ ଲାଗୁଥାଏ ଉଠିଲା ବେଳକୁ 

କୁନ୍ଥୁ କୁନ୍ଥୁ ଲାଗୁଥାଏ ।

ଉଠିଗଲା ପରେ ଶେଯରୁ ସକାଳେ

ନିଆଁ ପୁଆଁଇବା ହୁଏ ।୨।

ଦାନ୍ତ ଘଷି ସାରି ମୁଢି ଗଣ୍ଡେ ଧରି 

ଅଣ୍ଟିରେ ବା ଚାଙ୍ଗୁଡିରେ । 

ନିଆଁ ପାଖେ ବସି ଖିଆ ହେଉଥାଏ 

ରହିଛି ସ୍ମୃତି ପଟରେ ।୩।

ସ୍କୁଲ ଯିବାକୁ ବାହାରିଲା ବେଳେ 

ଖିଆ ହୁଏ ବଢାଭାତ ।

ମୁଗଡାଲି କପଡାରେ ବନ୍ଧାହୋଇ 

ଭାତରେ ସିଝା ହୁଏ ତ ।୪।

ଭାତ ହେଇଗଲେ କପଡାକୁ ଖୋଲି

ଘୋରି ଘାରି ଦେଇ ଡାଲି । 

ବୋଉ ବାଢିଦିଏ ତାମ୍ପଡା କୋକଲି 

ପୋଡା ହୋଇଥାଏ ଖାଲି ।୫।

ପେଜମରା ଭାତ ଖାଇବା ପାଇଁକି 

ଲାଗୁଥାଏ ଭାରି ମଜା । 

ସତ କଥା ତାହା ସରି ନ ହୋଇବ

କେବେ ବି ଶାକର ଖଜା ।୬।

ସକାଳ ଗାଧୁଆ କେବେ ହୁଏ ନାହିଁ

ଶୀତରେ କେ ଗାଧେଇବ ।

ଖରା ଟାଣ ହେଲେ ଗାଧୁଆ ପାଧୁଆ 

ପାଇଁକି ମନ ବଳିବ ।୭।

ଚଣାଛୁଇଁ ସିଝା ରାତିରୁ ଥାଏ ତା

ସକାଳରେ ଖିଆ ହୁଏ ।

କଣ୍ଟାଡାଳ ଅବା କାଠି କୁଟା ଜାଳି

ଚଣାଛୁଇଁ ପୋଡା ହୁଏ ।୮।

ମୁଗଛୁଇଁ ସିଝା ଶୀତ ସକାଳରେ

କେବେ କେବେ ଖିଆ ହୁଏ ।

ବୁଟ ମଟରର ଭଜା ସିଝା କେବେ 

ମୁଢି ସହ ଖିଆ ହୁଏ ।୯।

ଗଲାଣି ସେ ବେଳ ସ୍ମୃତିରେ ରହିଛି

ଏବେ ସେକାଳର କଥା। 

ଶୀତ ସକାଳରେ ମନେ ପଡିଯାଏ 

ସ୍ମୃତି ଭରେ ମଧୁରତା ।୧୦।