ଭାଲୁ ଭାଇନା
ଭାଲୁ ଭାଇନା
ବିଲୁଆ 'ନନା ' ବିଲୁଆ 'ନନା '
ଟିକିଏ ପଛକୁ ଅନା
ପଛରେ ଆସୁଛି ଥରି ଥରି
ଆମ ଭାଲୁ ଭାଇନା l
ଚାଲାକ ପଣରେ ନୁହେଁକେ ସରି
ଜଙ୍ଗଲରେ ଆପଣାର ସବୁରି
ଭାଲୁ ଭାଇନା ଘରେ ଚୋରି
ପଡିଛି ସାରା ମୁଲକେ ହୁରି l
ରାଗରେ ଭାଇନା ଛାଡଇ ରଡି
ସର୍ବେ ଡ଼ରୁଛନ୍ତି ଯିବାକୁ ମାଡି
ମହୁ ମାଠିଆକୁ ଆଣ ଭିଡି
କହଇ ମୁହଁକୁ ଝାଡ଼ି l
ବିଲୁଆ ନନା ଭାରି ସିଆଣି
ଧରିଛି ଯତନେ ମହୁଚୋରଣୀ
ମାଙ୍କଡ଼ ନାନୀତ ଲୋଭରେ ପଡି
କହିଲା କରମ ବଖାଣି l
ମାଙ୍କଡ଼ ନାନୀକୁ ଦେଲା ବଞ୍ଚାଇ
ମହୁମାଠିଆକୁ ପତ୍ରେ ଘୋଡାଇ
ପତ୍ର ତଳେ ମାଠିଆ, ମିଛେ
ଭାଇନା ହେଉଛ ବାଇ l