ପଖାଳ କଂସା
ପଖାଳ କଂସା
କୋଟି ଓଡ଼ିଆର ଭାରି ପ୍ରିୟ
ସେ ପଖାଳ କଂସା
ମନେ ଭରିଦିଏ ପରମ ତୃପ୍ତି
ଉଡି ଯାଉଥିଲେ ହଂସା l
ଗ୍ରୀଷ୍ମ ଝାଂଞ୍ଜିର ନିଦାଘ ଖରାରେ
ବହି ପଡୁଥାଏ ଝାଳ
ମନ ଲୋଡୁଥାଏ ମିଳନ୍ତା କି?
ମୁଠିଏ ବାସି ପଖାଳ l
ପଖାଳ ସାଙ୍ଗକୁ ଲଙ୍କା ଲୁଣ
ଟିକେ ଦେଇ ରଗଡି
ବଢିଚୁରା ଆଉ ଶାଗଭଜା
ସାଥେ ବାଇଗଣ ପୋଡି l
ଓଡ଼ିଆ ସଭ୍ୟତା ଓଡ଼ିଆ ସଂସ୍କୃତି
ଏଇ ପଖାଳ ଭାତ
କାଳିଆ ରାଜାର ଭାରି ପ୍ରିୟ
ସାରା ବିଶ୍ୱେ ବିଦିତ l
ଆମ ପରମ୍ପରା ଆମରି ଚଳଣି
ସବୁଥିରେ ଅଛି କାଳିଆ
ନିଇତି ଶୋଇବା ଆଗରୁ ପଖାଳ
ଭୁଞ୍ଜେ ବଡ଼ ଦେଉଳିଆ l