Library
Profile
ବାପୁଜୀ
ବାପୁଜୀ
ସତ୍ଯର ପୂଜାରୀ ନ୍ୟାୟଦଣ୍ଡଧାରୀ
କୋଟୀ ଜନତାର ହେ ପ୍ରିୟ ବାପୁଜୀ,
ଅହିଂସା ମନ୍ତ୍ରରେ କରିଲ ମନ୍ତ୍ରୀତ
ତୁମ ନାମେ ଜଳେ ସତ୍ଯର ଦିପାଳୀ ।
ସ୍ନେହ ମମତାର ବୁହାଇଲ ଧାର
ହିଂସା ଦ୍ବେଷ ଆଦି ସବୁକୁ ବରଜୀ,
ଶାନ୍ତି ମୈତ୍ରୀ ପ୍ରୀତି ଧାରା ମନ୍ଦାକିନୀ
ଈର୍ଷା ହିମାଳୟ କ୍ଷଣେ ଗଲା ଭାଜି ।
ହାତଗଢ଼ା ଧୋତି ଅମାପ ଶକତି
ପାଞ୍ଚଫୁଟ ଲାଠି ଦେଇପାରେ ତଡ଼ି,
କୋଟୀ ବନ୍ଧୁକର ଗୁଳି ଗୋଳା ସ୍ବର
ଭେଦି ପାରିଲାନି ବାପୁଜୀଙ୍କ ଛାତି ।
ଅମର ବାପୁଜୀ ହେ ଫକୀର ବାବା
ଭାରତର କୋଟୀ ନିଧି ରତ୍ନ ସାଜି,
ପ୍ରତି ହଦୟରେ ତୁମ୍ଭ ନାମ ସ୍ମରେ
ସ୍ବାଧୀନ ଭାରତ ତୁମ୍ଭ କୀର୍ତ୍ତିରାଜୀ
।
ହେ ମହାମାନବ ତୁମ୍ଭେ ଜାତି ଦେବ
ବିଶ୍ବ ବକ୍ଷେ ଦେଲ ଅହିଂସାର ମନ୍ତ୍ର,
ସେ ଓଁକାର ମନ୍ତ୍ର ହେଲା ବିଜମନ୍ତ୍ର
ଉଭାହେଲା ଆସି ବ୍ରହ୍ମତେଜ ସାଜି ।
ପ୍ରତି ମୂହୁର୍ତ୍ତରେ ଅକ୍ଟୋବର ଦୁଇ
ବାପୁଜୀଙ୍କ ଜନ୍ମ ଦିନ ଆସେ ନେଇ,
ପ୍ରତିବଦ୍ଧତାର ସଂକଳ୍ପ ବୋଧର
ସ୍ବଚ୍ଛତା ସମ୍ମାନ ଭାବନାକୁ ପୂଜି ।
ହୃଦୟର ସବୁ ଭକ୍ତି ପୁଷ୍ପାଞ୍ଜଳୀ
ବୁପୁଜୀଙ୍କ ପଦେ ଦେଇ କରେ ଅଳୀ,
ଆଉ ଥରେ ଦେଖ ତୁମ୍ଭ ରାମରାଜ୍ୟ
ଭାବ ଗଦଗଦେ ପଡ଼ିବ ଉଛୁଳି ।
ତୁମ୍ଭ ଜନ୍ମଦିନ ଭାରତର ମାନ
କୁମାରୀକାଠାରୁ ହିମ କରେ ଗାନ,
ପଦଧୌତ କରେ ବଙ୍ଗୋପ ଆରବ
ମହାସାଗରର ଜଳ ଶ୍ରଦ୍ଧାଞ୍ଜଳୀ ।
