ଆଧାର କାର୍ଡ
ଆଧାର କାର୍ଡ
ଆଧାର ଦିଅଇ ଆଧାର କାର୍ଡଟି
ସବୁଥିରେ ଦରକାର,
ମୂଲିଆ କାମରୁ ସରକାରୀ କାମ
କରିଛନ୍ତି ସରକାର |୧|
ନୂଆ ପରିଚୟ ଭାରତ ଦେଶରେ
ଏକକ ଯେ ପରିଚୟ,
ଯେ କୌଣସି କାମ ବ୍ୟାଙ୍କ ସେବା ଆଦି
ରଖି ଦେଇଥାଏ ଲୟ |୨|
ସରକାରଙ୍କର ସମସ୍ତ ସାହାଯ୍ଯ
ପାଇଁ ଲୋଡ଼ା ଏ ଆଧାର,
ଆଧାର ବିହୁନେ ସାହାଯ୍ୟ ମିଳେନା
ମନ କଷ୍ଟ ହେବା ସାର |୩|
ହାତର ଆଙ୍ଗୁଠି ଚିହ୍ନ ହେଉ ଅବା
ଆଖି ଦୁଇଡୋଳା ଫଟୋ,
ଚିହ୍ନ ବଦଳେନି ପରିଚୟ ପାଇଁ
ଯିଏ କରୁ ଯେତେ ନାଟ |୪|
ଭିନ୍ନ ପରିଚୟ ଦେଇ ଦେଶ ଦ୍ରୋହ
ପାଇଁ ନୁହଁଇ ସମ୍ଭବ,
ଆଧାର ଦିନରୁ ବଦଳି ଗଲାଣି
ପରିଚୟ ନୂଆ ଦିଗ |୫|
ବାଆର ଅଙ୍କର ସମାହାର ଏହି
ଆଧାର ନୂଆ ନମ୍ବର,
କେହି କାହା ସହ ସମାନ ନୁହଁଇ
ପରିଚୟ ନୂଆ ସାର |୬|
ଗାଆଁର ଠିକଣା ପିତା ପରିଚୟ
ଜନମ ତାରିଖ ଯୋଡ଼ା,
ବିଦ୍ୟାଳୟ ଅବା ବ୍ୟାଙ୍କ ସେବାଠାରେ
ନାମ ସାଥେ ହୁଏ ଲୋଡ଼ା |୭|
ଦେଶ ବିଦେଶରେ ପରିଚୟ ଏହି
ଆଧାର କାର୍ଡଟି ଆଗ,
ପାସପୋର୍ଟ ହେଉ ପାନକାର୍ଡ ପାଇଁ
ଦରକାର ହୁଏ ଆଗ |୮|
ଆଧାର କାର୍ଡ ଯେ ବାନ୍ଧି ରଖିଅଛି
ପରିବାର ସଂପର୍କକୁ,
ଏକତା ସୂତ୍ରରେ ଗୋଟିଏ ମାଳାରେ
ଗୁନ୍ଥିଛି ଫୁଲମାନଙ୍କୁ |୯|
ଧନ୍ୟରେ ଆଧାର ଧନ୍ୟ ତୋ ସୁଧାର
ଧନ୍ୟ ପୁଣି ସରକାର,
ପରିଚୟ ଦିଏ ଭାରତ ମାତାର
ସନ୍ତାନ ଯେ ଏକତାର |୧୦|