ବିଦ୍ୟା ବୁଦ୍ଧି ଦିଅ ପାର୍ବତୀନନ୍ଦନ
ବିଦ୍ୟା ବୁଦ୍ଧି ଦିଅ ପାର୍ବତୀନନ୍ଦନ
ବିଦ୍ୟା ବୁଦ୍ଧି ଦିଅ ପାର୍ବତୀ ନନ୍ଦନ
ଶ୍ରୀପୟରେ କରେ ଅଳି
ମୁଁ ଏକ ଅବୋଧ ଅଜ୍ଞାନ ବାଳକ
ଶୂନ୍ୟ ଅଛି ମୋ ଅଞ୍ଜଳି । (୦)
ତୁମେ ବିଦ୍ୟାଦାତା ଯେତେ ବିଘ୍ନ ହର୍ତ୍ତା
ଏକଦନ୍ତ ଗଜାନନ
ଅଗ୍ରପୂଜ୍ୟ ସବୁ ଦେବାଦେବୀ ମଧ୍ୟେ
ଯୁଗଯୁଗର ବନ୍ଦନ ।
ଆହେ ଲମ୍ବୋଦର ଗଣଙ୍କ ଈଶ୍ବର
ଅମ୍ବିକାଙ୍କ ଗଳାମାଳି
ପୂରାଅ ଶୂନ୍ୟ ଅଞ୍ଜଳି ।(୧)
ଜାଣି ନାହିଁ ପୂଜା ବିଧିବିଧାନରେ
ଭକତିର ଦୀପ ଜାଳି
ଚରଣ ଯୁଗଳେ କରଇ ଗୁହାରି
ଘେନା କର ପୂଜା ଥାଳି ।
ଜ୍ଞାନହୀନ ବୋଲି ନଦେଇଣ ଠେଲି
ଶ୍ରୀହସ୍ତରେ ନିଅ ତୋଳି
ପୂରାଇ ଶୂନ୍ୟ ଅଞ୍ଜଳି ।(୧)
ସଦବୁଦ୍ଧି ସଦଜ୍ଞାନ ମୋର କାମ୍ୟ
ଲଭି ହେବି ସୁମଣିଷ
ଏହି ନିବେଦନ ଦୂରେଇ ଅଜ୍ଞାନ
ଢାଳି ଦିଅ ତବାଶିଷ
ମୋ ଜ୍ଞାନ-ପ୍ରଦୀପେ ଆଲୋକିତ ଧରା
ହେଉଥିବ ଭଳିଭଳି
ପୂରାଅ ଶୂନ୍ୟ ଅଞ୍ଜଳି । (୩)