ଖବର

କେହି ଆସିବାର ଖବର ସଂଚରି ଯାଇଛି 

     ସଭିଙ୍କ ମନ ମାନସରେ

ସ୍ୱାଗତ ସମ୍ଭାରେ ରତ ମଣିଷ

     ଆନନ୍ଦ ଆଉ ଉଲ୍ଲାସରେ l

ସର୍ବଧର୍ମ ସମ୍ମତ ମୋ ରାଷ୍ଟ୍ର

    ଭିନ୍ନତା ନାହିଁ ମନରେ

ସବୁ ପର୍ବ ଗଣ ପର୍ବ

    ପାଳିତ ହୁଏ ଆନନ୍ଦରେ l

କାହିଁ ହୁଏ ଭୋଜି ଭାତ

   ମସଗୁଲ ନାଚ ଗୀତରେ

ମିଷ୍ଟାନ୍ନ ବାଣ୍ଟୁ ଥାଏ କେହି

   ଗଳି ଆଉ କନ୍ଦିରେ l

ପୁଣି କରେ ସଂକଳ୍ପ କେହି

   ନବ ବର୍ଷ ଆଗମନରେ

କର୍ମକୁ ମୋର ଶୃଙ୍ଖଳିତ କରିବି

   ନବ ଅବସର ରେ l

ଖେଳାଇବି ଖୁସି ସମାଜରେ ଥିବା

    ତାପିତଙ୍କ ମୁଖରେ

ପରୋପକାର କୁ କରିବି ବ୍ରତ

   ଦୈନନ୍ଦିନ ଜୀବନରେ l