ଲାଇବ୍ରେରୀ
ପ୍ରୋଫାଇଲ୍
ଫିକା ଫିକା
ଫିକା ଫିକା
1 min
301
ଆଜି କାହିଁ ତୁ ଲାଗୁ ଭାରି ଫିକା ଫିକା
ଗଗନ ର କୋଳେ ଅବା ରମୁ ଏକା ଏକା
ଫୁଲେଇ ଜୋଛନା ତୋର ଦିଏନି ଶୀତଳତା
ସାଥେ ନାହାନ୍ତି ବୋଲି ସେ, ଭିଜି ମୁଁ
ପାରୁନି ଏକା ଏକା.....
ମେଘ ଉହାଡ଼ ରେ ତୁ କିଆଁ ଚାହୁଁନୁ
ଅଭିମାନେ ଅବା ଅଭିଯୋଗ କରିନୁ
ମନ ମାରି ବସିଛୁ କି, ନୟନେ ଖୋଜୁଛୁ
ଜୁଆରିଆ ହୃଦ ବେଳା ଭୂମି ତଟେ
ଭ୍ରମି ତା ପାଦ ଚି଼ହ୍ନ ସାଉଣ୍ଟୁଛୁ....
ବହଳ ଅନ୍ଧାର ନାଶି କି ହସୁଛୁ
ତାଚ୍ଛଲ୍ୟ ଭରେ ଅବା ମୋତେ ତୁ ଦେଖୁଛୁ
ମୋ ମରମ ବେଦନା କାନ ପାତି ଶୁଣୁଛୁ!
ପ୍ରେମ ପ୍ରଣୟ ର ରାଗ ତୁ ତୋଳୁଛୁ
ଅବା ସାଥେ ପ୍ରିୟ ବାରତା ଆଣିଛୁ....
ତୋ ରୂପ କାନ୍ତି ରେ ହୋଇ ମୋହିତ
ପ୍ରେମିକ ପ୍ରେମିକା ଭାବେ ହୁଏ ବିମୋହିତ
ବିଜନ ବେଳା ର ସେହି ନିଶବ୍ଦ ଶର୍ବରୀ
ବିତିଯାଏ ବର୍ତ୍ତଳାପେ ତୋ ସହିତ....
