ପ୍ରଥମାଷ୍ଟମୀ

ତୁଳସୀ କ୍ଷେତ୍ରର ଅଧିପତି ପ୍ରଭୂ

ବଡ଼ଠାକୁର ହେ ବଳଦେବ

ପ୍ରଥମାଷ୍ଟମୀରେ କରୁଛି ପ୍ରଣାମ

ନିବେଦନ ମୋ ଶୁଣିବ

ତୁମ ପରି ଦିଅଁ ଅଛି କେ ସଂସାରେ

ସଙ୍ଗେ ଅଛନ୍ତି ଭଉଣୀ ଭାଇ

ଆଶୀର୍ବାଦ ଦେବ ମୋ ପିଲା ଦୁହିଁଙ୍କୁ

ସଦା ରହିବେ ସେ ସାଥୀ ହୋଇ

ଅନୁଷ୍କା ମୋହର ପଢୁଆଁ ଝିଅ

ଅଭିଳାଷ ମୋର ସାନପୁଅ

ପାଠ ପଢି ଭଲ ମଣିଷ ହୁଅନ୍ତୁ

ଏତିକି ଆଶୀଷ ଦିଅ

କଳାମାଣିକ ହେ ଜଗତ ଠାକୁର

ଚକ୍ର ଉହାଡ଼ କରି ରଖିବ

ତାଙ୍କ ଚଲାପଥ କୁସୁମିତ ହେଉ

କୃପାଦୃଷ୍ଟି ଟିକେ ରଖିଥିବ

ଅତି ଅଲିଅଳି ଗେଲ୍ହେଇ ଭଉଣୀ

ସୁଭଦ୍ରା ମା'ଗୋ ମୋର

ଅନୁଷ୍କାକୁ ଭଲ ବୁଦ୍ଧି ଦେଉଥିବ

ଭାଇ ଜୀବନ ହେଉ ତାହାର

ଜନାର୍ଦନ ଜଗଦୀଶ ଦୟାମୟ

ଏତିକି ଦୟା କରିବ

ନାନୀର ଭରସା ହେଉ ତାର ଭାଇ

ତାଙ୍କୁ ତୁମେ ସାହା ହେଉଥିବ

ଏତିକି ଅଳି ମୋ ଶୁଣିମା ହେଉ

ବଡ଼ଠାକୁର ହେ ମହାବାହୁ

ତୁମ ନାମ ଗାଇ ଶ୍ରୀଚରଣେ ଧ୍ୟାୟୀ

ଜୀବନ ମୋ ଚାଲିଯାଉ ।