ଗଣିତ

ଶ୍ରେଷ୍ଠ ଗଣିତ ବିଶାରଦ

ପ୍ରିୟ ଶ୍ରୀନିବାସ ରାମାନୁଜ

ଗଣିତ ପାଇଁ ଅହେତୁକ ଦୁର୍ବଳତା

ଏମିତି ପାଗଳ କଲା ଯେ 

ଜଟିଳ ଗଣିତର ସହଜ

ସରଳ ସମାଧାନ କରୁକରୁ

ନିଜ ଜୀବନ ଗଣିତ କଷିବାରେ ଅସଫଳ ହୋଇ ଦୁଃଖକଷ୍ଟରେ 

ଶରୀର ଅସୁସ୍ଥତା ଯନ୍ତ୍ରଣାରେ 

 ମାତ୍ର 33 ବର୍ଷ ବୟସରେ

କରିଦେଲ ଦେହତ୍ୟାଗ...

ଜୀବନ ଗଣିତ କେବେ ସରଳ ଥାଏ 

କେବେ କଷ୍ଟଦାୟକ ଜଟିଳ ହୁଏ 

ଵିନ୍ଦୁରୁ ଆରମ୍ଭ ହୋଇ

କେବେ ସରଳ କେବେ ବକ୍ର ରେଖା

ଷଡ଼ ରିପୁର ଆୟତରେ 

ସୁଖ ଦୁଃଖର ସଂଯୋଗରେ

ଜୀବନ ଦୋଛକିରେ

ଆନନ୍ଦ ଯନ୍ତ୍ରଣାର ଗୁଣନରେ 

ଧୈର୍ଯ୍ୟ ସାହସରେ ବିୟୋଗ କରି 

ଗଡିଚାଲୁଥିବା ସମୟ ଭାଜକ ହୋଇ

ବଢ଼ି ବଢ଼ି ଚାଲୁଥିବା ବୟସ ଭାଜ୍ୟ

କମି ଯାଉଥିବା ପରମାୟୁକୁ ନେଇ

 କାଳ କାହା ଜୀବନ ଗଣିତକୁ 

ଅଛିଣ୍ଡା ରଖେ ନାହିଁ

ଜୀବନ ଗଣିତକୁ ସହଜ ହେଉ କିବା

ଜଟିଳ ସୂତ୍ରରେ ଛିଡାଇ ଦେଇ 

କର୍ମ ଅନୁସାରେ ଭାଗଫଳ ଧରାଇ 

ଶୂନ ମିଳୁଥିବା ଭାଗଶେଷରେ

ସହଜ ସମାଧାନ କରିଦେଇ

ଉଦିତ ଓ ଅସ୍ତଗାମୀ ସୂର୍ଯ୍ୟଙ୍କ ପରି 

ଜୀବନର ମୂଲ୍ୟବୋଧ ବୁଝାଇଦିଏ