Library
Profile
ମାତା ଦ୍ରୌପଦୀ
ମାତା ଦ୍ରୌପଦୀ
ଦ୍ୱାପର ଯୁଗରେ ପାଞ୍ଚାଳ ଦେଶରେ
କେଉଁ ଏକ ମୁହୂର୍ତ୍ତରେ
ଯଜ୍ଞରୁ ଜନ୍ମ ହୋଇ
ଦ୍ରୌପଦଙ୍କ କୋଳ ମଣ୍ଡନ କରିଥିବା
ମାତା ଯାଜ୍ଞସେନୀ
ଯିଏ କି ସାରାଜୀବନ ଦୁଃଖ ସହିଲେ
ସ୍ୱୟମ୍ବରରେ ଜିତିଥିବା
ମଧ୍ୟମ ପାଣ୍ଡଵଙ୍କୁ ପତି ରୂପେ
ପାଇ ମଧ୍ୟ ସମ୍ପୂର୍ଣ୍ଣ ପାଇନଥିଲେ
ପରିସ୍ଥିତିର ଚାପରେ ପାଞ୍ଚପତିଙ୍କୁ
ବରଣ କରିନେଲେ
ଭରସା ଆଉ ବିଶ୍ୱାସର କଳସ
ସେହି ପାଞ୍ଚପତିଙ୍କ ଆଖି ସାମ୍ନାରେ
କୁରୁସଭାରେ କୁଳବଧୂଙ୍କର
ହୋଇଥିଲା ବସ୍ତ୍ର ହରଣ
ଭୋଗିବାକୁ ପଡିଲା ବନବାସ
ତାସହିତ ଅଜ୍ଞାତବାସ
ଆରମ୍ଭ ହେଲା ମହାଭାରତ
ଧର୍ମଯୁଦ୍ଧ ହୋଇ ମଧ୍ୟ ହରାଇଦେଲେ
ନିଜର ସମସ୍ତ ଅବୋଧ ସନ୍ତାନ
ସେତିକିରେ ଦୁଃଖ ସରିଲାନି
ଯେଉଁ ଧର୍ମପୁରୁଷଙ୍କ ଧର୍ମ ରକ୍ଷାକରି
ପାଞ୍ଚପତିଙ୍କୁ ବରଣ କରିଥିଲେ
ସ୍ବଦେହରେ ସ୍ଵର୍ଗାରୋହଣ ବେଳେ
ପ୍ରଥମେ ଖସି ପଡ଼ିଥିବା ପତ୍ନୀଙ୍କୁ
ଫେରି ନଚାହିଁବାକୁ ନିର୍ଦ୍ଧେଶ ଦେଲେ
ନିଜ ସାନ ଭାଇ ମାନଙ୍କୁ
ସେହି ଧର୍ମ ଯୁଧିଷ୍ଠି
କେଉଁ ଅପରାଧ ସେ କରିଥିଲେ ଯେ
ଛାତିରେ ଛାତିଏ କୋହ
ଆଉ ସବୁ ଦୁଃଖକୁ ଚାପି ରଖି
ଭଗବାନ କୃଷ୍ଣଙ୍କ ନିର୍ଦେଶରେ
କରିଥିଲେ ଧର୍ମ ସଂସ୍ଥାପନ
ଏବେ କଳି ଯୁଗର ମାଆ ଦ୍ରୌପଦୀ
କେଉଁ ଶୁଭ ମୁହୂର୍ତ୍ତରେ
ମୟୁରଭଞ୍ଜ ଜିଲ୍ଲାର ରାଇରଙ୍ଗପୁରେ
ଏକ ଅଖ୍ୟାତ ପଲ୍ଲୀରେ
ସରଳ ନିରୀହ ଆଦିବାସୀ ଗୃହରେ
ପିତାମାତାଙ୍କ କୋଳ ମଣ୍ଡନ କରି
ବାଲ୍ୟକାଳୁ ଅନେକ ଅସୁବିଧା
ଅଭାବ ଅନାଟନ ମଧ୍ୟରେ
ଉଚ୍ଚଶିକ୍ଷା ଲାଭ କରି
>ଶିକ୍ଷୟିତ୍ରୀରୁ ଜୀବନ ଆରମ୍ଭ କରି
ସମାଜ ସେବା ରାଜନୀତି ଯାଏଁ
ସବୁଠି ସଫଳତା ପାଇ ମଧ୍ୟ
ଦୁଃଖ କେବେ ପାଖ ଛାଡ଼ିନାହିଁ
ସେ ବି କମ ଦୁଃଖ ଚାପି ରଖିନାହାନ୍ତି
ନିଜ ଅନ୍ତର ଭିତରେ
ଜଣେ କନ୍ୟା ଦୁଇ ଦୁଇଟି ପୁତ୍ର
ଆଉ ସାରାଜୀବନ ସାଥୀ ହେବାର
ପ୍ରତିଶୃତି ଦେଇଥବା ପତିଙ୍କୁ
ଅକାଳରେ ହରାଇବାର
ଅବ୍ୟକ୍ତ ବେଦନାକୁ ସହି ଯାଇ
ଅସରନ୍ତି ଆଖିର ଲୁହକୁ
ହସ ହସ ଓଠରେ ପିଇ
ଅକଳ୍ପନିୟ କୋହକୁ ଲୁଚେଇ
ଆଗକୁ ଚାଲିଛନ୍ତି ସିନା
କେବେ ଭାଙ୍ଗିପଡି ନଥିବା
ହାରି ଯାଇନଥିବା
ସମ୍ମାନନୀୟା ଦ୍ରୌପଦୀ ମୁର୍ମୁ
ଆଜି ଦେଶର ସର୍ବୋଚ୍ଚ ଆସନରେ
ଅଧିଷ୍ଠିତ ହେବାକୁ ଯାଉଥିବା
ପ୍ରଥମ ନାଗରିକ ଆମ ଗୌରବ
ଆମ ଜାତି ଦେଶର ଟେକ
ଛୁଟୁ ଅଛି ମଲ୍ଲୀର ମହକ
କିଏ ଜାଣେ ତାଙ୍କ ଜନ୍ମର ଉଦେଶ୍ୟ
ଦ୍ୱାପରରେ କୃଷ୍ଣଙ୍କ ସଖି କୃଷ୍ଣା
ଧର୍ମ ସ୍ଥାପିବା ପରି
କଳିର କେଉଁ କୃଷ୍ଣଙ୍କ ସଖି ହୋଇ
ଆମର ଗର୍ବ ମାଆ ଦ୍ରୌପଦୀ ମୁର୍ମୁ
ଆଣିଦେବେ ନିଶ୍ଚୟ ପରିବର୍ତ୍ତନ
ତୁମେ ଏକା ଜାଣ ହେ ଚକାନୟନ
ରହୁ ଆଶୀର୍ବାଦ ତୁମ
ବ୍ୟାପି ଯାଉ ତାଙ୍କ ଖ୍ୟାତି
ବଢିଯାଉ ଦେଶର ସମ୍ମାନ
କର ହେ କଲ୍ୟାଣ
ବିଶ୍ୱସାରା ତାଙ୍କ ପରିଚୟେ
ପରିଚିତ ହେଉ ଦେଶ
ରାଜ୍ୟ ହେଉ ପ୍ରଶଂସାରେ ପୂର୍ଣ୍ଣ
ସମସ୍ତେ କୁହନ୍ତୁ ଜୟ ଜଗନ୍ନାଥ
ଜୟ ମାଆ ଭାରତୀ
ଜୟ ଜୟ ଓଡିଶା
ଧନ୍ୟ ତାଙ୍କ ପିତାମାତା ଧନ୍ୟ
ଜୟ ପୁଣ୍ୟ ଶ୍ରୀକ୍ଷେତ୍ର ଧାମ
ଜୟ ପୁଣ୍ୟ ଶ୍ରୀକ୍ଷେତ୍ର ଧାମ ।
