ହୃଦୟର ଶବ୍ଦ

ଗହୀର ହୃଦୟ ମନ୍ଥନ ପରେ

ଝରିଆଏ ଯେଉଁଝର

ଶବ୍ଦରନାମେ ପ୍ରକାଶ ତାର

ଭାବପ୍ରେମ ଭରପୁର।

ମନର ଭାଷାକୁ ବଖାଣି ଦିଏସେ

ମାଧ୍ୟମଟେ ହେଇଯାଏ

ଅକୁହାକୁ ଶବ୍ଦ ବିନ୍ୟାସ ଦିଏ

ରୂପର ଆକାର ପାଏ।

ହୃଦୟ ଭିତରେ ରାଗ ଅନୁରାଗ

ହିଂସା ଘୃଣା ଆଲୋଚନା

ପ୍ରସ୍ଫୁୁଟିତ ହୁଏ ଶବ୍ଦର ମାଧ୍ୟମେ

ଯେବେ ହୁଏ ସଂବେଦନା।

ହୃଦୟର ଶବ୍ଦ ସତ୍ୟର ପ୍ରତୀକ

ଆବେଗରେ ବୋଳାଥାଏ

ଶାଳୀନତା ଭରା ମାଧୁର୍ଯ୍ୟର ଗୁଣେ

ରସଗ୍ରାହୀ ହେଇଥାଏ ।

ଶବ୍ଦ କରିପାରେ ଶତ୍ରୁକୁ ନିଜର

ହରିପାରେ ମନୁ ବ୍ୟଥା

ବାକ୍ୟଦେବୀଙ୍କର ସିଏ ଅନ୍ୟରୂପ

ନାଆଁ କେବେ ତା କବିତା ।