ଲାଇବ୍ରେରୀ
ପ୍ରୋଫାଇଲ୍
କିଛି ମାଗୁ ନାହିଁ ଧନରେ
କିଛି ମାଗୁ ନାହିଁ ଧନରେ
1 min
216
ଧନ ରତନ ମୁଁ ମାଗୁ ନାହିଁ କିଛି
ମାଗୁ ନାହିଁ ସୁଖ ଶିରୀ ରେ
ଜୀବ ଯିବାବେଳେ ତୋର ନାମାବଳୀ
ଥିବ ଖାଲି ମୋର ତୁଣ୍ଡ ରେ।
କିଛି ମାଗୁ ନାହିଁ ଧନ ରେ
ଯେତେ ଦୁଃଖ ପଛେ ଦେ ଧନ ମାଳି
କହିବିନି କାହା ଆଗରେ
ମନ କୋହ ମୋର ମନରେ ମାରି ମୁଁ
ସହିବି ତୋ ନାମ ନେଇ ରେ
ତୋ କଳା ବଦନ ତୋ ରଙ୍ଗ ଅଧର
ଦେଖି ସବୁ ଯିବି ଭୁଲିରେ।
କିଛି ମାଗୁ ନାହିଁ ଧନ ରେ
ନାହିଁ ମୋର ଧନ କି ଦେଇ ପୂଜିବି
ସହଜେ ଅଧମ ହୀନ ରେ
ଯାଇ ପାରୁ ନାହିଁ ପାଖ କୁ ତୋହର
ରହିଛି ମୁଁ ବହୁ ଦୂରରେ
ଏତିକି ଗୁହାରୀ ଆହେ ଭାବଗ୍ରାହୀ
ଶେଷ ବେଳେ ଥିବ ସାଥିରେ।
କିଛି ମାଗୁ ନାହିଁ ଧନ ରେ
