ଜୀବନ ହେଉ ହରଷ

ନାରୀ ହିଁ ବିକାଶ ନାରୀ ହିଁ ପ୍ରକାଶ

ନାରୀ ଜଳ ସ୍ଥଳ ଆକାଶ.

ନାରୀ ସମାଜର ବିଶ୍ୱାସ ଭରସା

ନାରୀ ହିଁ ସବୁରି ନିଃଶ୍ୱାସ ।

ପ୍ରକୃତି ପୁରୁଷ ପବିତ୍ର ମିଳନେ

ସୃଷ୍ଟି ହୋଇଛି ସଂସାର.

ପ୍ରକୃତିର ଆଜି ପ୍ରକୃତି ଖରାପ

ପାଉଅଛି ତିରସ୍କାର ।

ନାରୀ ଅନ୍ୟ ନାମ ପ୍ରକୃତି ଅଟଇ

କରେ ନାମ ଅପବିତ୍ର.

ପ୍ରତିଷ୍ଠା ପଇସା ପାଇଁ ସେ ପାଗଳ

ନିନ୍ଦିତ ଆଜି ସର୍ବତ୍ର ।

ଯାହା ହାତେ ସୃଷ୍ଟି ରଚନା ପାଳନ

ଯା'ହାତେ ପୁଣି ସଂହାର.

ସେ ଆଜି ଚାଲୁଛି ବିନାଶ ପଥରେ

ଦିଶୁଅଛି ପରିଷ୍କାର ।

ପ୍ରକୃତି ପୁରୁଷ ସଂସାର ସର୍ବସ୍ବ

ଏହା ଏକମାତ୍ର ସତ୍ୟ.

ତାର ବ୍ୟବହାର ଗୁଣ ଅଟଇ ପ୍ରଧାନ

ସର୍ବୋତ୍ତମ ତା ଚରିତ୍ର ।

ହେଲେ ତାହା ନଷ୍ଟ ଘଟିବ ଅନିଷ୍ଟ

ସୃଷ୍ଟି ହୋଇଯିବ ଧ୍ବଂସ.

ଏବେ ବି ସମୟ ଅଛି ଆମ ହାତେ

ରୋକିବା ପାଇଁ ଅବଶ୍ୟ ।

ପୁରୁଷ ପାଇଁ ଯେ ପ୍ରକୃତିର ଲୋଡ଼ା

ପ୍ରକୃତି ପାଇଁ ପୁରୁଷ

ଏକ ପତିପତ୍ନୀ ବ୍ରତ ପାଳିଲେ ସଭିଏଁ

ଜୀବନ ହେବ ହରଷ ।