ଏଇ ଯେ ମୋର ଦେଶ
ଏଇ ଯେ ମୋର ଦେଶ
ଯାହାରି କୋଳେ ଜନମି ମୁହିଁ ହୋଇଛି ଧନ୍ୟା
ଏଇ ଯେ ମୋର ଦେଶ, ଭାରତ ତାହାରି ନାଆଁ l
ଯା କୋଳେ ବହିଯାଏ ଗଙ୍ଗା ଯମୁନା ନଈ
ଫରଫର ହୋଇ ଉଡେ ତ୍ରିରଙ୍ଗା ଗୌରବ ବାର୍ତ୍ତା ବହି l
ଗଣତନ୍ତ୍ର ରାଷ୍ଟ୍ର ରୂପେ ବିଖ୍ୟାତ ଯେ ସାରା ବିଶ୍ୱରେ
ସଭିଏଁ ମିଳି ରହନ୍ତି ଜାତି, ଧର୍ମ, ବର୍ଣ୍ଣ ନିର୍ବିଶେଷରେ l
ପୋଥି ପୁରାଣ ଐତିହ ସଂସ୍କୃତିର ଉଡେ କେତନ
ଅଖଣ୍ଡ ରହୁ ତାରି କୀର୍ତ୍ତି ସଦା ରଖିଥିବା ଧ୍ୟାନ l
ତା ପାଇଁ ଦେବା ଜୀବନ କୁ ଉତ୍ସର୍ଗୀ
ଯେତେ ବାଧା ବିଘ୍ନ ଆସୁ ପଡିବାନି ଭାଙ୍ଗି l।