ବାପୁ ତୁମ ପାଇଁ
ବାପୁ ତୁମ ପାଇଁ
ତୁମପାଇଁ ଆଜି ଏ ଧରା ବକ୍ଷରେ
ଦମ୍ଭରେ ହୋଇଛ ଠିଆ
ଜୀବନର ପଥ ହେଲେବି ବନ୍ଧୁର
ତୁମପାଇଁ ମିଳେ ରାହା ।
ବାପୁ ବାପୁ ବୋଲି ଡାକୁଅଛି ଆଜି
ମୋ ପ୍ରତିଟି ରକ୍ତ ବିନ୍ଦୁ
ପାଇବାକୁ ସେହି ଅମୃତର ସ୍ପର୍ଶ
ପ୍ରେମ କରୁଣାର ସିନ୍ଧୁ ।
ଆସିଥିଲା ଯେବେ ଅତୀତ ଜୀବନେ
ଅନୁଶାସନର ବେଳ
ସେହି ବେଳ ଆଜି ପ୍ରଦାନ କରୁଛି
ସହସ୍ର ସିଂହର ବଳ ।
ମୋ ଶରୀର ଅବା ସାହସ ଶକତି
ସବୁତ ତୁମରି ଦାନ
କେଉଁ ତାପସ୍ୟାର କର୍ମଫଳ ଆଜି
ମୋ ଜୀବନେ ଭରେ ପୂଣ୍ୟ ।
ସର୍ବ ଦେବତାଙ୍କ ଆଶୀର୍ବାଦ ତୁମ
ହସ୍ତରୁ ପଡେ ମୋ ଶିରେ
ଦୁଃଖ ଶୋକ ପୀଡା ସବୁ ଚାଲିଯାଏ
ହୃଦରେ ପୁଲ୍ଲକ ଭରେ ।
ବାପୁ ତୁମେ ଥିଲ ତୁମେ ଅଛ ଆଉ
ରହିଥିବି ସଦା ଚିର
ମନ ମନ୍ଦିରରେ ତୁମକୁ ପୁଜୀବି
ତୁମେହିଁ ଦେବତା ମୋର ।