ସ୍ମୃତିର ଗଣ୍ଠି
ସ୍ମୃତିର ଗଣ୍ଠି
ସ୍ମୃତି ତୁମେ ଫୁଲେଇ ହୋଇ
ମନକୁ ମୋର ଚେଇଁ
ଫଗୁଣ ସଜା ବସନ୍ତ ରଙ୍ଗେ
ବିଭୋର ହୁଏ ମୁହିଁ ।
ସ୍ୱପ୍ନ ମିଶା ନୟନେ ସୁଖ
ସୟନେ ଭରିଦେଲ
ବାସ୍ତବ ଦୃଶ୍ୟ ଅଟକି ଯାଏ
ଅତୀତ ଓଷ୍ଠେ ହସ ।
ସାଇତା ଧନ ସଞ୍ଚିତ ହୋଇ
ହୃଦୟେ ଅଛ ରହି
ଦୁଃଖ ବିଷାଦ ଦୁରେଇ ଯାଏ
ତୁମ ପରଶ ପାଇ ।
ନିରବେ ଆସି ପାଖରେ ବସି
କାନରେ ଚୁପି କୁହ
ପୁଲକେ ସଜା ହୃଦ ପ୍ରଦେଶ
ନୟନୁ ଝରେ ଲୁହ ।
ତୁମରି କଥା କାନିରେ ଗଣ୍ଠି
ପକାଇ ରଖେ ମୁହିଁ
ଯେବେବି ଆସ ପୀରତି ଆଶେ
ଚାହିଁ ରହିଛି ମୁହିଁ ।