ଓଁ ଗଣେଶାୟ ନମଃ
ଓଁ ଗଣେଶାୟ ନମଃ
1 min
383
ନମୋ ନମୋ ଗଣେଶ
ବିଦ୍ୟା ଦାତା ବିଘ୍ନେଶ
କରୁଣା କର ହୋଇ ତୋଷ
ଅଜ୍ଞାନ ପରାହତ
ପାଇ ତୁମ ଆଶିଷ
ପାପ ଯେ ଅକ୍ଳେଶରେ ନାଶ ।
ତୁମରି ଆଗମନେ
ଆନନ୍ଦ ଆସେ ମନେ
ଉତ୍ସବ ମୁଖରିତ ଧରା
ସଂଚାରି ଉଠେ ଆଶା
ପ୍ରେମ ପୁଲକ ନିଶା
ନବୀନ ଜ୍ୟୋତିର ପସରା ।
ଅଗ୍ରପୂଜ୍ୟ ହେ ନାଥ
ଅଗ୍ରଗତିର ପଥ
ଦର୍ଶନେ ମିଳେ କୋଟି ପୁଣ୍ୟ
ଶୁଭ ଲାଭ ଯେ ସିଦ୍ଧି
କୋଟି ଲାବନ୍ୟ ନିଧି
ଦେବତା ଗଣେ ଅଗ୍ରଗଣ୍ୟ ।
ଅଧମ କରେ ପୂଜା
ଉଡିବ ତୁମ ଧ୍ବଜା
ତ୍ରୈଲୋକ ହୋଇବ ଉଶ୍ୱାସ
ତୁଟିବ ଦୁଃଖ କଷ୍ଟ
କଳୁଷ ହେବ ନଷ୍ଟ
ହୃଦୟେ ରହିଛି ବିଶ୍ୱାସ ।