ପ୍ରଭାତ ପ୍ରଣତି

ପ୍ରଭାତ ପ୍ରଣତି ଘେନ ବିଶ୍ୱପତି 

  ଆହେ ବିଶ୍ଵ କାରିଗର l

ନୀଳଚକ୍ର ପରେ ପତିତପାବନ 

  ନେତ ଉଡ଼େ ଫରଫର l

ଅଦ୍ଭୂତ ଶୃଙ୍ଗରେ ମୀନ ଅବତାରେ 

   ପ୍ରଳୟ ଜଳରୁ ହରି l

ସପତ ଋଷିଙ୍କୁ ନାବେ ଉଦ୍ଧରିଲ 

   ଗଭୀର ଜଳେ ବିହରି l

କଚ୍ଛପ ରୁପରେ କଠିନ ପିଠିରେ 

    ବହିଲ ମନ୍ଦର ଭାର l

ସାଗର ମନ୍ଥନୁ କମଳା ଲଭିଲ 

  ଆହେ କମଳିନୀ ବର l

ସତ୍ୟ ଯୁଗେ ହରି ମର୍ତ୍ତ୍ୟେ ଅବତରି 

  ହିରଣ୍ୟାକ୍ଷ ଦୈତ୍ୟ ମାରି l

ଦନ୍ତାଗ୍ରେ ଧରଣୀ ଉଦ୍ଧରିଲ ପୁଣି 

    ଶୁକର ରୂପକୁ ଧରି l

ହିରଣ୍ୟ ବିଦାରି ଆହେ ନରହରି 

  ସତ୍ୟ ଥାପିଲ ମହୀରେ l

ଉଗ୍ର ନରସିଂହ ହେ ପୁରୁଷ ସିଂହ 

   ଜୟ ଜଗଦୀଶ ହରେ l

ବାମନରେ ବଳି ମର୍ଦ୍ଦିଲ ଅର୍ଦ୍ଦଳି 

   ଭୂମି ତ୍ରିପାଦ ମାତର l

ଏକୋଇଶ ବାର କ୍ଷତ୍ରିୟ ସଂହାର 

   ପର୍ଶୁରାମ ପର୍ଶୁଧର l

ସତ୍ୟସନ୍ଧ ପ୍ରଭୁ ରାମ ଅବତାର 

  ସତ୍ୟେ ହେଲ ବନଚାରୀ l

ପଥରେ ପଥର ଆହେ ଧନୁର୍ଦ୍ଧର 

  ତାରିଲ ଗୌତମ ନାରୀ l

ବଳରାମ ରୂପେ ଆହେ ମହାବଳି 

    ହଳ ମୁଷଳ ଧାରଣ l

ତାଳ ବନ ମଧ୍ୟେ ଧେନୁକା ବଧିଲ

   ଆହେ ରେବତୀ ରମଣ l

ବୌଦ୍ଧ ରୁପେ ହରି କରୁଣାବତାର

   ଜ୍ଞାନ ବିସ୍ତାର ସଂସାରେ l

ସତ୍ୟ ଶାନ୍ତି ଦୟା କ୍ଷମା ଆଚରଣ

   ଜୟ ଜଗଦୀଶ ହରେ l

କଳ୍କୀରୂପ ହେବେ ମ୍କେଛ ସଂହାରିବେ

     ପତିତ ପାବନ ହରି l

ଧୁମକେତୁ ପ୍ରାୟ ଧରଣୀ ବିହାର

    କରେ କରବାଳ ଧରି l

ଆହେ ଦାରୁବ୍ରହ୍ମ ଛିଡୁ ମୋର ଭ୍ରମ

   ପ୍ରଭାତ ପ୍ରଣତି କରେ l

ନୀଳାଚଳ ପତି ଅଗତିର ଗତି

   ଜୟ ଜଗଦୀଶ ହରେ

  ଜୟ ଜଗଦୀଶ ହରେ l