ମହାତ୍ମା ଗାନ୍ଧୀ

        ପରାଧୀନତା ର ଶୃଙ୍ଖଳ‌ ରେ ବନ୍ଧା,

          ଭାରତ ଭାରତୀ ର ସେ ଦୁର୍ଦ୍ଦଶା,

       ସହି ନ ପାରି ହେ ବାପୁଜୀ ମହାତ୍ମା,

         ଶାନ୍ତି, ଅହିଂସାର ଅସି ବଳେ,

     ଭାରତ ମାଟି କୁ ଦେଇ ପାରିଥିଲ ସ୍ବାଧୀନତା।

       କ୍ଷୀଣ ବପୁରେ ଥିଲା ଯେ ଦୃଢ଼ତା,

          ଆତ୍ମବିଶ୍ବାସ ର ସେ ପଦଯାତ୍ରା,

       ଲବଣ ସତ୍ୟାଗ୍ରହର ଦାଣ୍ଡି ଯାତ୍ରା,

          କମ୍ପନ ଆଣି ଫିରିଙ୍ଗି ହୃଦୟେ, କୋଟି ଜନ ସମୁଦ୍ରେ ସ୍ବାଧୀନତାର ତରଙ୍ଗ ଉଠିଥିଲା।

      ମୈ|ନତା ର ଅସ୍ତ୍ର ଧାରେ ହେ ମହାତ୍ମା,

          ଆଣିଥିଲ ତୁମେ ଯେ ସ୍ବାଧୀନତା,

      ତୁମ ସ୍ବପ୍ନର ଭାରତ ଆଜି ସବୁଠି ଆଗୁଆ,

          ତ୍ରିରଙ୍ଗା ଆଜି ଉଡେ ଗଗନେ, 

 ଦେଇଯାଏ ବିଶ୍ବକୁ ଶାନ୍ତି, ଅହିଂସା, ଧର୍ମର ବାରତା ।

       ତୁମ ପରି ବୀର ସନ୍ତାନ ପାଇଁ ଗର୍ବିତା ,

           ଆଜି ସ୍ବାଧୀନ ଭାରତ ମାତା,

       ନିଃସ୍ୱାର୍ଥ ଭାବେ ବରିନେଲ ପଥ ସ୍ବାଧୀନତା,

         ଆଜି ବି ସାରା ବିଶ୍ବ ସ୍ମରଣ କରେ, ହେ ଅହିଂସା ପୂଜାରୀ ତୁମରି ସମ୍ମାନେ ନୁଆଁଏ ମଥା।