ମୁଣ୍ଡା ଜନ ନାୟକ ବିର୍ସା ମୁଣ୍ଡା

       

         ଝାଡ଼ଖଣ୍ଡ ର ସେ ଜନ ନାୟକ,

          ମୁଣ୍ଡା ଜନଜାତି, ସେନା ନାୟକ,

            ସ୍ଵାଭିମାନୀ, ସଂଗ୍ରାମୀ,

             ନିର୍ଭୟ, ପରାକ୍ରମୀ,

           ଜାଳିଥିଲ ତୁମେ ମୁକ୍ତି ମଶାଲ ।

           ମାତୃଭୂମି, ସ୍ବ ଜାତି ର ସମ୍ମାନ,

           ଜଳ,ବନ ପାଇଁ ଉଲୁଗୁଲାନ,

             ସ୍ବାଧୀନତା ସଂଗ୍ରାମୀ,

              ଶୂରବୀର, ସାହସୀ,

            ଭାରତ ମାତାର ଯୋଗ୍ୟ ସନ୍ତାନ।

             ମୁଣ୍ଡା ଜନଜାତିର ଭଗବାନ,

             ନିଜ ଜାତି, ମାଁ ମାଟିର ଉତ୍ଥାନ,

                ସ୍ବାଧୀନତା ର ବହ୍ନି,

                ସର୍ବଦା ହୃଦେ ଜାଳି,

              ଦେଇଥିଲ ଯେ ମୁକ୍ତି ର ଆହ୍ବାନ ।

              ମାଁ ମାଟି,ସ୍ଵୀୟ ଜାତିର ସମ୍ମାନ,

               ସ୍ବାଧୀନତା ପଥ କଲ ବରଣ,

                  ପ୍ରବଳ ପରାକ୍ରମୀ,

                  ସ୍ୱତନ୍ତ୍ରତା ସେନାନୀ,

               ହେ ବିର୍ସା ମୁଣ୍ଡା,ଶତ ଶତ ନମନ।