କଳାକୃଷ୍ଣ ର ଭାବପୀରତି
କଳାକୃଷ୍ଣ ର ଭାବପୀରତି
ଗୋପୀ ମନୋହାରୀ ବ୍ରଜବିହାରୀ,
ବଂଶୀ ର ସାତସୁର ଶୁଣି ଗୋପନାରୀ,
ମୋହାବିଷ୍ଟ ହୋଇ ନିଜକୁ ଯାଆନ୍ତି ଭୁଲି,
କଳାକୃଷ୍ଣ ର ସେ ଭାବ ପୀରତି,
ମନ ମୋହି ନିଏ ତା ଚାହାଣୀ,
ଗୋପନାରୀ ହୁଅନ୍ତି ବାଇ ।
କୁଞ୍ଜ ବନେ ଅଧୀର ରାଧିକା ରାଣୀ,
କୃଷ୍ଣ ନାଗରର ପ୍ରୀତି ଭାବ ରେ ବାୟାଣୀ,
ଖୋଜେ କଦମ୍ବ ବନେ ରାଧିକାରାଣୀ,
କଳାକାହ୍ନୁ ର ପ୍ରୀତି ପାଗଳିନୀ,
ଘୁରି ବୁଲୁଥାଏ ରାଧା ନିଜକୁ ଭୁଲି,
ଖୋଜୁଥାଏ ତା ବ୍ରଜବିହାରୀ ।
ରୁଣୁଝୁଣୁ ବାଜେ ଯେବେ ପୟରେ ପାଉଁଜି,
କୃଷ୍ଣ ନାମ ନେଇ ଗୋପପୁର ଯାଏ ମଜ୍ଜି,
ମଧୁର ମଧୁର ଅଟଇ ସେ ଭାବ ପୀରତି,
କୃଷ୍ଣ ନାମ ସେ ପୀୟୂଷ ପାନ କରି,
ସଂସାର ସାଗର ଯାଆନ୍ତି ତରି,
ହେ ବ୍ରଜବନ୍ଧୁ କୁଞ୍ଜବିହାରୀ।