ଵାର୍ଣ୍ଣିକ ଛନ୍ଦ ମଣିଗୁଣ ନିକର
ଵାର୍ଣ୍ଣିକ ଛନ୍ଦ ମଣିଗୁଣ ନିକର
ଵର୍ଣ୍ଣକ୍ରମ: 111/111/111/111/112
ଯତି: 7-8 ହେଲେ ଛନ୍ଦ ହୁଅନ୍ତା ଚନ୍ଦ୍ରାବର୍ତ୍ତା
ଏଠି ଯତି 8-7, ତେଣୁ ଛନ୍ଦ: ମଣିଗୁଣ ନିକର
ହସ ହସ ଅହରହ ସହଚର ଗହଣେ
ତରକି ତରକି ଥକି ଯିବ ଟିକି ନୟନେ ।
ତର ତର ସରିତର ଝର ଝର ଝରଣା
ରଣ ଝଣ ବିଲ ବଣ, ପୟରର ଗହଣା । ୧
ନିରସ ତରୁପତର ମରମର ଜରଣା
ଡର ଡର ପୁରତର ଭୟକର ଅରଣା
ଡହ ଡହ ଦିପହର, ରଜତ ଦୃଶମତୀ
ପ୍ରତିକୃତି ଧରିଅଛି ଋତିମତି ଵହତୀ । ୨
ଜନପଦଜନଗଣ ଶୁଣ, ଵିମନଵଧୂ
ବୁଲୁଅଛି ଘନ ଵନ କି ଶକୁନ ଵିପଦୁ ।
ଅପର ନଗର ଝର- ଡଗର ସୁଲଳିତା
ପର ନୁହଁ ପରଵତ- ପରିସର ଵନିତା । ୩
ମର୍ମର= ପତ୍ରର ଶବ୍ଦ; ଜରଣା= ପ୍ରାର୍ଥନା, ସ୍ତୁତି; ପୁରତ= ସମ୍ମୁଖ; ଭୟକର= ଭୟଙ୍କର; ଅରଣା= ଅରଣା ମଇଁଷି; ରଜତ= ଗୋରା; ଦୃଶ= ଚେହେରା; ପ୍ରତିକୃତି= ଛଵି; ଋତିମତି= ହର୍ଷିତା; ଵହତୀ= ନଦୀ;