କୁନାର ସାଥୀ
କୁନାର ସାଥୀ
କିଏ ରୁହନ୍ତି ବଣ ଜଙ୍ଗଲରେ
କାହାକୁ ପାଳୁଛ ଘରେ
ସଭିଏଁ ପରା ଆମରି ମିତ
ସ୍ନେହ ରହୁ ପଶୁପକ୍ଷୀ ଠାରେ l
ଦେଖିଲା କୁନା ହରିଣ ଏକ
ଘରକୁ ଫେରିବା ବେଳେ
ଦେହରୁ ତା ବହେ ରୁଧିର
ଅସମର୍ଥ ଛିଡା ହେବାକୁ ନିଜ ବଳେ l
କୁନାର ମନ ହେଲା ଅଧିର
ପାଶକୁ ତାର ଗଲା
ଦେହକୁ ତାର ଦେଇ ଆଉଁସି
ପାଣି ମୁନ୍ଦାଏ ଦେଲା l
ଆଣିଲା ଡାକି ବାପା ଭାଇଙ୍କୁ
ପଶୁଡାକ୍ତର ବି ଥିଲେ
ଚିକିତ୍ସା ସଙ୍ଗେ ଯତ୍ନ ପାଇ
ଆରୋଗ୍ୟ ହେଲା ଭଲେ l
ଫେରିଗଲା ସେ ଜଙ୍ଗଲ ବୁକେ
କୁନା ଥିଲା ଚାହିଁ
କେବେ ପୁଣି ଆସଇ ପଥେ
କୁନାକୁ ଭେଟିବା ପାଇଁ l
ଜୀବଜନ୍ତୁ ଯେ ଆମରି ବନ୍ଧୁ
ଭୁଲିବା ନାହିଁ କେବେ
ସ୍ନେହ ପରସ ଦେଇ ଗଢିବା
ବିଘ୍ନ ଆସୁ ଯେବେ l