Library
ଆସିଛି ଶୀତ
ଆସିଛି ଶୀତ
ଏବେ ଆସିଛି ଶୀତ
କମ୍ବଳ ପାଛୁଡ଼ି
ସ୍ଵେଟର ମାଫୁଲର
ଏବେ ଆମର ମିତ |
ଘରୁ ବାହାରିବାକୁ
ଏବେ ବଳୁନି ମନ
ବଣ ଭୋଜି ଏବେ
ଚାଲେ ପ୍ରବଳ |
ପରିବା ପତର
ଏବେ ଭାରି ଶସ୍ତା
ନାନା ଜାତି ଶାଗ
ବଜାରେ ମିଳେ
ବାରିରୁ ତୋଳେ
ଖାଇଲେ ଏସବୁ
ରହିବ ସୁସ୍ଥ |
ଚାଷୀ ଭାଇର
ମନ ଉସତ
ବିଲଟା ହୋଇଛି
ସୁନାର କ୍ଷେତ
ଧାନ ଅମଳର
ଆସିଛି ବେଳ
କାଟି କୁଟି ତାକୁ
କରେ ଅମଳ
ଖାଇବ କିଛି
ଯୋଗାଇବ ସିଏ
ସାରା ଜଗତ |
ହଳଦିଆ ଦିଶେ
ସୋରିଷ କ୍ଷେତ
ମଲ୍ଲୀ ମକ ମଲି
ଫୁଟେ ଅନେକ
ମହୁମାଛି ପ୍ରଜାପତି
ଉଡେ ଅନେକ
ଫୁଲରୁ ଫୁଲକୁ
ବୁଲେ ହୋଇ ଉଛନ୍ନ |
ପାଠ ପଢ଼ା ପିଲେ
ଭାରି ମଗନ
ଖେଳ କୁଦ ଏବେ
ଚାଲେ ବହୁତ
ପ୍ରତିଯୋଗିତା ହୋଇ ମିଳେ
କେତେ ମାନପତ୍ର |
ଲୁଚି ଛପି କରି
ଅଳସ ପଣରେ
ରହିଲେ ଘରେ
ଯେତେ ରୋଗ ସବୁ
ଦେହରେ ପଶେ
ଶୀତକୁ ନ ଡରି
କର ବ୍ୟାୟାମ
ସକାଳ ଚାଲି
ଦେହକୁ ହିତ
ଆଉ ଲାଗିବନି ଶୀତ |
ପାଣି ପିଇବା
ନ କର ଉଣା
ଉଷୁମ ପାଣି
ଲାଗିବ ଭଲ
ଏତିକି କଲେ
ବର୍ଷ ସାରା ଦେହ
ରହିବ ଭଲ |
ବୁଢ଼ା ବୁଢୀଙ୍କୁ
ବଡ଼ ବିପଦ
ରୋଗୀଣା ପଶୁଙ୍କୁ
ବଡ଼ ପ୍ରମାଦ
ପକ୍ଷୀମାନେ ଏବେ
ଆସରା ହୀନ
ବଂଚିବାଟା ତାଙ୍କୁ
ଲାଗେ ସପନ
ହେଲେ ଧରାପରେ
ପ୍ରବଳ ଶୀତ |
ଶୀତ ଦିନ ଆଉ
ଅଳପ ଦିନ
ତାପରେ ଆସିବ
ଖରା ଦିନ
ପ୍ରବଳ ଗ୍ରୀଷ୍ମରେ
ବଡ଼ ହଇରାଣ
ମିଳିବନି ଜମା
ପରିବା ଶାଗ
ମଜା ନେଇଥିବା
ଆସିଛି ଶୀତ |
