ବୂକ୍ଷ ହିଁ ଜୀବନ

           

   

ବିଶ୍ଵ ମାନଚିତ୍ରେ ପଡେ ହାହାକାର

     ପ୍ରଚଣ୍ଡ ରୌଦ୍ରତାପରେ

ବୃକ୍ଷ ହିଁ ଜୀବନ ବୃକ୍ଷ ଆମ ପ୍ରାଣ

      ଅମ୍ଳଜାନ ଦିଏ ନରେ ।

ସକଳ ଶକ୍ତି ର ଆଧାର ଅଟନ୍ତି

        ମାରତଣ୍ଡ ଦିବାକର

ବୃକ୍ଷ ବିନା ଆଜି ଉତ୍ତପ୍ତ ବସୁଧା

        ସର୍ବେ ହ୍ଵନ୍ତି ହାହାକାର ।

ବୃକ୍ଷ ପରଶୁଛି ଫୁଲ ଫଳ ପତ୍ର

         ଛାଇ ଆସବାବ ପତ୍ର

ଜାଳେଣି କାଠ ରୁ ସମିଧର କାଠ

         ଗୃହ ନିର୍ମାଣ ସର୍ବତ୍ର ।

ତାପ ମାତ୍ରା ଆଜି ହୁ ହୁ ବଢେ

        ହୁଏ ପ୍ରଚଣ୍ଡ ଗରମ

ଉତ୍ତପ୍ତ ବତାସ ପ୍ରବାହିତ ହୁଏ

        କ୍ଷୀଣ ହେବାଯୋଗୁଁ ବନ ।

ବନ ଜୀବଜନ୍ତୁ ବିନାଶ ହୋଇଲେ

          ବିନାଶ ହେବାରୁ ବନ

ପଶୁ ପକ୍ଷୀ ଜୀବ ଘରମୁହାଁ ହୋଇ

        ନିଅନ୍ତି ମଣିଷ ପ୍ରାଣ ।

ଜଙ୍ଗଳ ବିନାଶ ହେବାଯୋଗୁଁ ଆଜି

       ହୀନ ବୃଷ୍ଟି ହୁଏ ମହୀ

ଋତୁ ଚକ୍ର ଆଜି ଅନିୟମିତତା 

       ଆମେ ପ୍ରକୃତିର ବଡ଼ ଦ୍ରୋହି ।

ଯେଉଁ ଆଡେ ଦେଖ ପକ୍କା ପିଚୁ ରାସ୍ତା

        ନଭଶ୍ଚୁମ୍ଵି ଛାତ ଘର

କଳ କାରଖାନା ଯାନବାହାନର

        ପ୍ରଦୂଷିତ ବାୟୁ ସ୍ତର ।

ପ୍ରଦୂଷିତ ହେଲା ଜଳ ବାୟୁ ଆଜି

       ଖସିଗଲା ଜଳସ୍ତର

ବୃକ୍ଷ ବିନା ଦିନେ ଧ୍ଵଂସ ହେବ ପୃଥି

       ଅଭାବେ ଅମ୍ଳଜାନ ର ।

ହୋଇ ଆଗୁସାର ଗଛ ଲଗାଇବା

        ବଞ୍ଚିବାକୁ ଥିଲେ ପ୍ରାଣ

ବନ ସଂରକ୍ଷଣ କରିବା ସଭିଏଁ

       ଲଗାଇଣ ତନୁ ମନ ।

ମଳୟ ବତାଶ ଦିଗ ହରାହେଲା

        ବସନ୍ତର ଆଗମନେ

ବର୍ଷା ଋତୁ ରେ ବୃଷ୍ଟି ହୀନ ହୁଏ

        କୃଷକ ହତାଶ ମନେ ।