Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Arati Sahoo

Crime Fantasy

3  

Arati Sahoo

Crime Fantasy

ବିନିଦ୍ର ରଜନୀ

ବିନିଦ୍ର ରଜନୀ

1 min
534


ଅମା ଅନ୍ଧକାରେ ଅମାବାସ୍ୟା ରାତ୍ରେ ,

ଏକାକିନୀ ଥିଲି ମୁଁ ଘରେ ।

ଦରଜାରେ କିଏ କରାଘାତ କଲା ,

ଥରି ମୁଁ ଉଠିଲି ଭୟରେ ।

ଏତେ ରାତ୍ରେ ଆଜି କିଏ ସେ ଅତିଥି ,

ଖୋଲିବି କି ନାହିଁ କବାଟ ।

ଜଳା ଫାଙ୍କ ବାଟେ ଦେଖିବି ବୋଲି ତ,

ଧୀରେ ଧୀରେ ଛାଡି଼ଲି ଖଟ ।

ଫାଙ୍କବାଟୁ ଦେଖି ଭୟ ପାଇଗଲି ,

ଏବେ ମୁଁ କି ବୁଦ୍ଧି କରିବି ।

ବନ୍ଦୁକ ଧରିଣ ଡକାୟତେ ଛିଡ଼ା

କେମିତି ଅବା ନ ଡରିବି ।

କବାଟ ଖୋଲିଦେ ନହେଲେ ଭାଙ୍ଗିବୁ

ଚିହ୍ନି ନାହୁଁ ତୁହି ଆମକୁ ।

କୋଟିଏ ଟଙ୍କା ସରକାର ରଖିଛି ,

ଯିଏ ଧରିନେବ ଆମକୁ ।

ଭୟରେ ମୋ ଛାତି ଉଠୁଛି ପଡୁଛି

ମୂଖରୁ ନ ସ୍ଫୁରେ ଶବଦ ।

ମିଛରେ ରୁଷିକି ସାଥିରେ ନଗଲି ,

ପଡ଼ିଲା ଆଜି ଏ ବିପଦ ।

ଗୁରୁବାରେ ନୂଆ ଶାଢ଼ୀ ଟିଏ ପାଇଁ ,

ସ୍ଵାମୀଙ୍କ ପାଖେ କଲି ଅଳି ।

ଏ ମାସରେ ପରା ଭାଣିଜୀ ବିବାହ ,

ଖର୍ଚ୍ଚ ଜମା ହେବନି ଟାଳି ।

ବାହାଘରକୁ ମୁଁ ମୋଟେ ଯିବିନାହିଁ ,

ଶୁଣି ରଖିଥାଅ ମୋ କଥା ।

ପୁଅ ଝିଅ ସବୁ ସ୍ଵାମୀ ସହ ଗଲେ ,

ଭାବିଲେନି ଟିକେ ମୋ କଥା ।

କିଳାକାଠ ଭାଙ୍ଗି ଗଲାଣି ଅବିକା ,

ଡକାୟତେ ପଶି ଆସିଲେ ।

ଚଉକି ସାଥିରେ ରସିଟିଏ ଆଣି ,

ହାତ ଗୋଡ଼ ମୋର ବାନ୍ଧିଲେ ।

ପାଟିରେ ପୁରେଇ ଦେଲେ କନା ବିଣ୍ଡା ,

ଗଁ ଗଁ ରଡି଼ ଛାଡ଼ଇ ।

ଛାଡ଼ି ଦିଅ ମୋତେ ମିନତୀ କରୁଛି ,

ସୁନା ଓ ରୁପା ଯାଅ ନେଇ ।

କିଏ ତୁମ ସୁନା ରୁପା ନେଇଯାଏ ,

ବିକଳରେ ଏତେ କାନ୍ଦୁଛ ।

ଶାଢ଼ୀ ଅଳଙ୍କାର କଥା ଭାବି ଭାବି ,

ସପନେ ବିଳିବିଳଉଛ ।

ବଞ୍ଚିଗଲି ଆହା ସପନ ଥିଲା ଏ ,

ଆଉ ନ ରହିବି ମୁଁ ଏକା ।

ଶାଢ଼ୀ ଆଉ ମୋର ଦରକାର ନାହିଁ ,

ଭାଣିଜୀ ବିବାହ ଆଗକା ।



Rate this content
Log in