Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Arati Sahoo

Inspirational

2  

Arati Sahoo

Inspirational

ପିଆଜ ଶପଥ

ପିଆଜ ଶପଥ

2 mins
344


ବାଡ଼ିରେ ଦେଖିଣ ପିଆଜ ଚୋପା ।

ସୁପୁନି ଗେରସ୍ତ ହୋଇଲା ଖପା ।

ପିଆଜ ଦର କି ଜାଣି ପାରୁନୁ ।

ତୁଣରେ ଅଳପ କରି ଦେଉନୁ ।

ସୁପୁନି କହିଲା ଖାଇବ ସ୍ଵାଦ ।

ପିଆଜ ସାରିଲେ କରିବ ବାଦ ।

କେନାଲରେ ଯାଇ ଧରୁଛ ମାଛ ।

ଭଲକି ରାନ୍ଧିବୁ ଆସି କହୁଛ ।

ପିଆଜ ବିନା ଯେ ମାଛ ତିଅଣ ।

ସୁଆଦ ହବନି ଦେବି ଲେଖିଣ ।

ମାଗଣା ଚାଉଳ ତୁମେ ଖାଇଣ ।

ତାସ ବାଡ଼ଉଛ ସବୁ ମିଶିଣ ।

ଗାଁରେ ସମସ୍ତେ ବୁଢ଼ା କି ଟୋକା ।

ରୋଜଗାର ନାହିଁ ଗୋଟାଏ ଟଙ୍କା ।

ବସି ଖାଇବାର ଅଭ୍ୟାସ ହେଲା ।

ଜାଗା ଜମି ତ ପଡ଼ିଆ ହୋଇଲା ।

କରିଥାନ୍ତ ଯଦି ଜମିରେ ଚାଷ ।

ଦରଦାମ ସବୁ ହୁଅନ୍ତେ ବଶ ।

ସୁପୁନି କଥାକୁ ଯହୁଁ ଶୁଣିଲା ।

ଗେରସ୍ତ ତାର ତ ଧସି ଆଇଲା ।

ଭାଷଣ ଦେବାକୁ କିଏ କହିଲା ।

ଜାଣିଥା ଆମେ ତ ମରଦ ପିଲା ।

ଝାଡୁରେ ପାହାରେ ଦେବି ଲୋ ଝିଅ ।

ମୋର କଥା ଶୁଣି ଧରିବୁ ଥୟ ।

ସୁପୁନି ତହୁଁ ଶପଥ କରିଲା ।

ବାଡ଼ି ଭିତରକୁ ଚାଲି ଅଇଲା ।

କରି ଦେଖେଇବ ପିଆଜ ଚାଷ ।

ଦରକାର ତାର ଦୁଇଟି ମାସ ।

ନଡ଼ିଆ ବାଡ଼ିଟା ଖାଲି ପଡ଼ିଛି ।

ଅନାବନା ଘାସ ତହିଁ ଉଠିଛି ।

ସୁପୁନି ଧଇଲା ଗୋଟେ କୋଦାଳ ।

ଜମିକୁ ହାଣି କଲା ସମତଳ ।

ନଡ଼ିଆ କତା ନଡ଼ିଆ ସଢେଇ ।

ଖତ କଲା ତାକୁ ନିଆଁ ଲଗେଇ ।

ପିଆଜର ଚାରା ଆଣି ରୋପିଲା ।

ଦିନ ରାତି ତାଙ୍କ ଯତନ ନେଲା ।

ତାହାକୁ ଦେଖିଣ ଗାଁ ମାଇପେ ।

ଚାଷ କରିବାକୁ ଚାଲିଲେ ଆପେ ।

ଗାଁ ମୁଣ୍ଡେ ଥିଲା ବାଙ୍କ ପଡ଼ିଆ ।

ଖେଳୁଥିଲେ ସେଠି ଯେତେ ଖୋଡି଼ଆ ।

ହଣା ମରା କରି ଚାଷ କରିଲେ ।

ଗାଁ ପୁରୁଷଙ୍କୁ ଦେଖାଇ ଦେଲେ ।

କେତେ କେତେ ଏମିତି ଜମି ଥିଲା ।

ଅନାବାଦି ହୋଇ ରହିଣ ଥିଲା ।

ସବୁ ଜମିରେ ଲାଗିଲା ପିଆଜ ।

ଅଳସୁଆ ଲୋକେ ମନରେ ହେଜ ।

ସେହି ବର୍ଷରୁ ସୁପୁନି ଗ୍ରାମରେ ।

ଲାଗି ଥାନ୍ତି ସବୁ ଚାଷ କାମରେ ।

ଦରଦାମ ତାର ବାଟରେ ଯାଏ ।

କଡ଼ାକର ମାନ ସେଠି ନ ପାଏ ।

ସୁପୁନି ସଭିଙ୍କୁ ଦେଲା ଶିଖାଇ ।

କର ଚାଷ ବାବୁ ମନ ଲଗାଇ ।



Rate this content
Log in