Library
Profile
ଗୋଦରା କୋଡୁଛି
ଗୋଦରା କୋଡୁଛି
ଗୋଦରା କୋଡୁଛି ଅଳପ
ମାଡୁଛି ବେଶୀ
ଆମର ବିକାଶ ବଢୁଛି ଅଳପ
ଛିଡୁଛି ବେଶୀ ।
ପ୍ରଗତି ନାଁ ରେ
ଡାକୁଛେ ଆମେ ଦୁର୍ଗତି
ନୀତି ନାଁ ରେ
କରୁଛେ ବେଶୀ ଦୁର୍ନୀତି ।
ଶାସନ ନାଁ ରେ
ଶୋଷଣ କରୁଛେ
ଆସନ ପାଇଁ
ଭାଷଣ ଅଧିକ ମାରୁଛେ ।
କର୍ମ ନାମରେ
ଅପକର୍ମ ଗୁଡେ କରୁଛେ
ଆଧୁନିକତା ନାମେ
ସଂସ୍କୃତିକୁ ଆମେ ମାରୁଛେ ।
ଶିକ୍ଷା, ସଭ୍ୟତା ନାମେ
ପୁନେଇ ପରବ ଭୁଲିଛେ
ନିଜ ପ୍ରଥା, ପରମ୍ପରା ଛାଡି
ପାଶ୍ଚାତ୍ୟ ସଭ୍ୟତା ପଛରେ ବୁଲୁଛେ ।
ମୁଲିଆ, ମଜୁରିଆ ଙ୍କ
ସ୍ଵାର୍ଥ କଥା କହୁଛେ
ନିଜେ ଗାଡି, ଘୋଡା, ବଙ୍ଗଳା ଓ
ବ୍ୟାଙ୍କ୍ ବାଲାନ୍ସ ପଛରେ ଧାଇଁଛେ ।
ସ୍ଵାର୍ଥ, ଅର୍ଥ ଓ କ୍ଷମତା ପାଇଁ
ମିଥ୍ୟା ପ୍ରବଚନ ଦେଉଛେ
ନିଜ ଭାଷା ଛାଡି
ବିଦେଶୀ ଭାଷାର ପ୍ରଭାବେ
ମା'କୁ ମାଉସୀ କହୁଛେ ।
ବାପା ମା'ଙ୍କ କଥା ଭାଳୁନେ
ଶାଶୁ ଶ୍ୱଶୁର ଙ୍କ କଥା ଭାଳୁଛେ
ଦେଶର ନୀୟମ ପାଳୁନେ
ବିଦେଶୀଙ୍କ ର ଗୋଡାଣିଆ ସାଜି
ବିଦେଶୀ ନୀୟମ ପାଳୁଛେ ।
ଗାଁ ମା'ର ସମ୍ମାନ ରଖୁନେ
ପରସ୍ପର ମଧ୍ୟେ
ବିଶୃଙ୍ଖଳା ଖାଲି ରଚୁଛେ
ଦେଶ ମାତୃକାର ସୁରକ୍ଷା ଦେଖୁନେ
ନିଜ ଆତ୍ମ ସ୍ଵାର୍ଥ ପାଇଁ
ପ୍ରତି ମୁହୂର୍ତ୍ତେ
ପର ଅମଙ୍ଗଳ ପାଞ୍ଚୁଛେ ।
ପରିବେଶ କଥା
କେ ଆମେ ଭାବୁନେ
କୃତ୍ରିମତାକୁ ପ୍ରାଧାନ୍ୟ ଦେଉଛେ
ବିଶ୍ଵ ଶାନ୍ତି କଥା କେ ଚିନ୍ତୁନେ
ପ୍ରତିଯୋଗିତା, ଯୁଦ୍ଧାସ୍ତ୍ର ଓ ଯୁଦ୍ଧରେ
ମନ, ଧ୍ୟାନ ଦେଇ
ସମଗ୍ର ମାନବ ଜାତିକୁ
ଧ୍ଵଂସ ମୁହଁକୁ ନେଉଛେ ।
ଏ ମଣିଷ ଜାତି ଆଜି କହୁଛି
ପ୍ରଗତି ଆମର ହୋଇଛି
ହେଲେ ପ୍ରଗତିଆ ଦଳ
କହୁଛନ୍ତି ଭାଇ
ଗୋଦରା ଯେତିକି କୋଡୁଛି
ତା ଠାରୁ ଯଥେଷ୍ଟ ଅଧିକ ମାଡୁଛି ।
