ଭ୍ରମଣ

ଇଛା ମୋର ଅଛି ବୁଲିବା ପାଇଁକି

ଦୁନିଆର ପ୍ରତି କୋଣ

ପୂର୍ବଠୁ ପଶ୍ଚିମ ଉତ୍ତରୁ ଦକ୍ଷିଣ

ପ୍ରତି କୋଣ ଅନୁକୋଣ ।

ବୁଲିଯିବି ମୁହିଁ ସବୁ ସେଇ ଜାଗା

ଯାହା ସ୍ୱପ୍ନେ ଦେଖିଅଛି

ସ୍ୱପ୍ନେ ଦେଖିଥିବା ସବୁ ଜାଗାକୁ ତ

ବୁଲିବାକୁ ଇଛା ଅଛି ।

ସବୁ ବିଷୟରେ ଜାଣିବାକୁ ମନେ

ବହୁ ଇଛା ମୋର ଅଛି

ଯାଇ ସେ ସ୍ଥାନକୁ ଦେଖିବି ତାହାକୁ

ମନରେ ଆଶା ଭରିଛି ।

ପ୍ରାଣ ଥିବା ଯାଏ ଶରୀରରେ ମୋର

କିଛି ସ୍ଥାନ ବୁଲିଯିବି

ପ୍ରତ୍ୟେକ ସ୍ଥାନର ସ୍ମୃତିକୁ ହୃଦୟେ

ମୋହର ତ ସାଇତିଵି ।

ସବୁ ସ୍ଥାନ ବୁଲି ଶେଷ ସମୟ ମୋ

ପୁରୀରେ ମୁଁ ପହଁଚିବି

କାଳିଆର ସେବା କରିବି ଶେଷରେ

ଜୀବନ ମୋ ସାରିଦେବି ।

ଇଛା ମୋ ରହିଛି ଏଇ ସ୍ଵପ୍ନ ଦିନେ

ପୂରଣ ନିଶ୍ଚେ କରିବି

ଇଛା ଥିବା ସବୁ ସ୍ଥାନକୁ ଯେ ଦିନେ

ଦିନେ ତ ଦେଖି ଆସିବି ।

ଭ୍ରମଣରେ ଯେଉଁ ଖୁସି ରହିଅଛି

ଅନ୍ୟ କେଉଁଥିରେ ନାହିଁ

ଯେଉଁ ଶାନ୍ତି ଏହିଥିରେ ଯେ ମିଳିବ

ତାହାର ତୁଳନା କାହିଁ ।

ନୂଆ ଜାଗା ନୂଆ ଦେଶ ରାଜ୍ୟ ସବୁ

ଭ୍ରମଣ ଯେ କରୁଥିବି

ନୂଆ ନୂଆ କଥା ନୂଆ କିଛି ଭାଷା

ସବୁବେଳେ ଶିଖୁଥିବି ।

ପୁରୁଣା ଜିନିଷ ପୁରୁଣା ମନ୍ଦିର

ବୁଲିକି ମୁଁ ଦେଖୁଥିବି

ଭ୍ରମଣ ସାଥିରେ ନୂଆ କିଛି କଥା

ଶିଖିବାକୁ ଯେ ପାଇବି ।

ଯେଉଁ ଦିନ ଯାଏଁ ଶରୀର ଭିତରେ

ବଳ ମୋର ରହିଥିବା

ସେତେଦିନ ଯାଏଁ ଭ୍ରମଣ ନିଶା ମୋ

ପାଦରୁ କେବେ ନ ଯିବ ।

ଇଛା ତ କରିଛି ବୁଲିଯିବା ପାଇଁ

ଆରମ୍ଭ ଦିନେ କରିବି

ଦୁନିଆର ସବୁ କୋଣ ଅନୁକୋଣ

ବୁଲି ମୁଁ ଦିନେ ଆସିବି ।