"ଛନ୍ଦା ଚରଣେ ବନ୍ଧା ଏ ପରାଣ"

କଳା କାହ୍ନୁରେ ମୋ ରଙ୍କରତନ

କାଳିଆ ସୁନା ମୋ ଜୀବନ ଧନ,

ଜଳ ବିନା ଯେହ୍ନେ ମୀନ ପରାଣ

ତୋ ବିନା କହ୍ନେଇ ମୋର ଜୀବନ।

ରୂପ କାନ୍ତି ଦେଖି ମନ ଉଚ୍ଛନ୍ନ

ଚାହେଁ କରିବାକୁ ତୋର ଦର୍ଶନ,

ମନ ହୃଦ ଖୋଜେ ଟିକେ ସ୍ପର୍ଶନ

ଛନ୍ଦା ଚରଣେ ବନ୍ଧା ଏ ପରାଣ।

ତୋ ବାଙ୍କ ଚାହାଣୀ ନିଏରେ କିଣି

ମନ ବାଆ ବହେ ଉଜାଣି ପୁଣି,

ରାଧା, ମୀରା ଯେ ହୁଅନ୍ତି ବାୟାଣୀ,

ହୃଦକୁ ଯାଉ ତୁ ସହଜେ ଜିଣି।

ତୋର ଶ୍ରୀ ପୟରେ ଗୁହାରି ଦୀନର

କରିବୁନି କେବେ ମୋତେ ତୁ ପର,

ନ ହେଲେ ହାରିବି ଜୀବନ ମୋର

ପାଦତଳେ ପ୍ରଭୁ ନତ ଏ ଶିର ।