ଭାବର ଠାକୁର

ନମସ୍ତେ ନମସ୍ତେ ପ୍ରଭୁ ଭକତ ବତ୍ସଳ

ଭକତେ ତାରିବl ପାଇଁ ବିଜେ ନୀଳାଚଳ ।

ଭକତ ର ଭାବେ ସଦା ତୁମ୍ଭେ ବିଦ୍ୟମାନ

ଭକତ ଜନ ଙ୍କୁ କର ସୁଗତି ପ୍ରଦାନ ।

ଭାବର ଠାକୁର ତୁମେ ଭକତର ଭାବ

ଘେନି ନିତି ନିତି ଫଳ ଦିଅ ଅଭିନବ ।

ବଡ ଦେଉଳରେ ବିଜେ କରି ରହି ଅଛ

ଦରଶନ ଦେଇ ନିତି ଭକତେ ତାରୁଚ ।

ଯେଉଁ ଭାବେ ଯିଏ ଭଜେ ଯେପରି ତୁମକୁ

ସେହି ପରି ଫଳ ନିତି ଦେଉ ଅଛ ତାକୁ ।

ଜୟ ଜୟ ଜଗନ୍ନାଥ ଭକତ ଆରତ

 ଦୁଃଖ ,ଶୋକ ,ତାପ ,କଷ୍ଟ ,ନାଶ ଅବିରତ ।

ନମସ୍ତେ ନମସ୍ତେ ପ୍ରଭୁ ଜଗତ ଈଶ୍ୱର

ପୂଜା ପାଉ ଅଛ ନିତି ରହି ଶ୍ରୀ ମନ୍ଦିର ।

ପ୍ରତି ବର୍ଷ ହୁଏ ନାନା ଜାତ ମଉଛବ

ରଥ ଯାତ୍ରା ସବୁ ଠାରୁ ଅଟେ ସୁପ୍ରସିଦ୍ଧ ।

ଭକତ ଜନ ଙ୍କୁ ତୁମ୍ଭେ ଦେଇ ଦରଶନ

ନାଶି ଥାଅ ତାଙ୍କ ପାପ ,ତାପ ,ଦୁଃଖ,ତମ ।

ଜୟ ଜୟ ଜଗନ୍ନାଥ ଭକତ ଜୀବନ

ଭକତ ଜନ ଙ୍କ ହିତେ ରତ ଅନୁ କ୍ଷଣ ।

ସଂସାର ,ଜଞ୍ଜlଳ ,ଲୋଭ ,ଇର୍ଷା ,ମାୟା ,ମୋହ

ବିନlଶି ଭକତ ଜନେ ଦେଉଛ ଅଭୟ ।

ଦିବ୍ୟ ଭାବେ ଭକ୍ତି ପୂତ କର ମନ ପ୍ରାଣ

ମହା ପ୍ରଭୁ ତୁମ୍ୱେ କର ଭକତ କଲ୍ୟାଣ ।

ଭକତର ମନ ପ୍ରାଣ ଭକ୍ତି ରସେ ଭରି

ନିରନ୍ତର ସୃଜୁ ଅଛ ଆନନ୍ଦ ଲହରୀ ।