କର୍ତ୍ତବ୍ୟ
କର୍ତ୍ତବ୍ୟ
କରଣୀୟ ଅଟେ କର୍ତ୍ତବ୍ୟ ଅବଶ୍ୟ
ସୁକର୍ତ୍ତବ୍ୟ ମୂଳଭିତ୍ତି
ନପାଳି କର୍ତ୍ତବ୍ୟ ଅଧିକାର ଭୋଗ
ବାଞ୍ଛେ ଯିଏ ମୂଢ଼ ମତି ।
ମାତାପିତାଙ୍କର ତ୍ୟାଗ ଓ ତପସ୍ୟା
ଅହରହ ପରିଶ୍ରମେ
ଶିକ୍ଷା ସୁସ°ସ୍କାର ପାଇଲେ ସନ୍ତାନ
ସୁନାଗରିକ ବୋଲାଏ ।
ଗୁରୁଙ୍କ ନିକଟୁ ଲଭି ଶିକ୍ଷା ଦୀକ୍ଷା
ବିକଶଇ ଜ୍ଞାନ ବୁଦ୍ଧି
ନୈତିକ ଧାର୍ମିକ ବୈଧିକ କର୍ତ୍ତବ୍ୟ
ହୁଏ ଜାଣି ଅବବୋଧି ।
ମଙ୍ଗଳ କଲ୍ୟାଣ କାର୍ଯ୍ୟ କରଣୀୟ
ନିଜ ପାଇଁ ଅନ୍ୟ ପାଇଁ
ପରିବାର ରାଷ୍ଟ୍ର ସମାଜ ହିତରେ
ସେବା କର୍ତ୍ତବ୍ୟ ଅଟଇ ।
ରାଷ୍ଟ୍ରୀୟ ଏକତା ସ୍ୱାଭିମାନ ରକ୍ଷା
ସାର୍ବଭୈ।ମ୍ୟ ଅଖଣ୍ଡତା
ବୃହତ୍ତର ସ୍ୱାର୍ଥ ସୁରକ୍ଷା କର୍ତ୍ତବ୍ୟ
କାମ୍ୟ ଉତ୍ସର୍ଗ ଭାବନା ।
ଆମ ସମ୍ବିଧାନ ଜାତୀୟ ପତାକା
ଜନ ମନ ଗଣ ଗାନ
ଆମର ଐତିହ୍ୟ ସ°ସ୍କାର ସ°ସ୍କୃତି
ଲୋଡା ଆଦର ସମ୍ମାନ ।
ଶାନ୍ତି ମୈତ୍ରୀ ପ୍ରୀତି ଅହି°ସା ନୀତିରେ
ରଖିବା ବିଶ୍ୱାସ ସଦା
ହି°ସାରୁ ରହିବା ଦୂରେଇ ସର୍ବଦା
ଆଚରିବା ଜୀବେ ଦୟା ।
ମାନବବାଦର ଉଚ୍ଚ ଆଦର୍ଶରେ
ହୋଇବା ଅନୁପ୍ରାଣିତ
ନାରୀଙ୍କୁ ସମ୍ମାନ ମୂଳ ସିଦ୍ଧାନ୍ତରୁ
ହୋଇବା ନାହିଁ ବିଚ୍ୟୁତ ।
ଆମ ସମ୍ମିଳିତ କର୍ତ୍ତବ୍ୟ ନିଷ୍ଠତା
ଉତ୍ତମ ପ୍ରଚେଷ୍ଟା ବଳେ
ହେବ ବିଶ୍ୱଗୁରୁ ଅଖଣ୍ଡ ଭାରତ
ସ୍ୱପ୍ନ ସାର୍ଥକ ଅଚିରେ ।