ଅଣସର ଘରେ କଳାଠାକୁର
ଅଣସର ଘରେ କଳାଠାକୁର
ଅଣସର ଘରେ କଳାଠାକୁର ମୋ
ରହିଛନ୍ତି ଆସି ଏବେ ।
ଜ୍ଵରରେ ପଡିଲେ ଜ୍ୟେଷ୍ଠ ପୂର୍ଣ୍ଣମୀରେ
ଦରଶନ ଦେଲେ ଯେବେ ।୧।
ଶହେ ଆଠ ଗରା ସୁନାକୂଅ ଜଳ
ଆସି ଅଧିବାସ ହେଲା ।
କର୍ପୂର ଚନ୍ଦନ ଜାତିଫଳ ଚୁଆ
ସୁଗନ୍ଧ ଦ୍ରବ୍ଯ ମିଶିଲା ।୨।
ମୋ କଳାଠାକୁର ଭାଇ ଭଗ୍ନୀ ଚକ୍ର
ସହ ସେ ଜଳେ କରିଲେ ସ୍ନାନ ।
ସ୍ନାନ ମଣ୍ଡପରେ ସ୍ନାନ ସାରି
ହାତୀ ବେଶେ ଦେଲେ ଦରଶନ ।୩।
ଦରଶନ ଦେଇ ଅଣସର ଘରେ
ରହିଲେ କଳାଠାକୁର ।
ରତ୍ନସିଂହାସନ ଖାଲି ପଡିଅଛି
ଜ୍ଵର କଲା ଥରହର ।୪।
ଅଣସର ଘରେ ଲୁଗା ଖଣ୍ଡେ ପିନ୍ଧି
ଚକଟା ଭୋଗ ଓ ପଣା ।
ଭୋଗ ଖାଇ ପଥି ପାଚନେ ଅଛନ୍ତି
ଷାଠିଏ ପଉଟି ମନା ।୫।
ଫୁଲୁରୀ ତେଲ ଖଳି ଲାଗି ହୋଇବେ
ଦଶମୂଳର ମୋଦକ ।
ଖାଇ ହେବେ ସୁସ୍ଥ ମୋ କଳାଠାକୁର
ଚକା ଲାଗି ହେବେ ସେ ତ ।୬।
ଲାଗିବ ତୁଳସୀ ପଡିବ ଭୋଗରେ
ଏକାଦଶୀ ଦିନଠାରୁ ।
ଉଭା ଅମାବାସ୍ୟା ଦିନ ଉଭା ହେବେ
ମୋ କାଳିଆ ମହାମେରୁ ।୭।
ନବ ଯଉବନେ ଦେବେ ଦରଶନ
ମୋହର କଳାଠାକୁର ।
ତହିଁ ପରଦିନ ହେବ ଘୋଷଯାତ୍ରା
ହେବେ ପତିତ ଉଦ୍ଧାର ।୮।