ଅଦିନ ପାବଚ୍ଛ

କବିତା - ଅଦିନ ପାବଚ୍ଛ
 ରଚନା - ପଞ୍ଚାନନ ଜେନା
ତାରିଖ -୦୩-୦୩-୨୦୨୬
 +++++++++++++++++
ତୁମ ନୀଳାମ୍ବୁ ଚିଲିକା ଆଖିରେ
ଏ ସହର ନଗରକୁ କି ଦେଖିହୁଏ?
ସବୁ ଲାଗେ ଫିକା ଫିକା ଫଗୁଣ
 ଏ ସହର ବଜାରକୁ କି ବୁଝିହୁଏ ?

 ତୁମ ଜଳଧି ଫେନିଳ ଭାବନାରେ
ଏ ଭାବ ତରଙ୍ଗ କି ମାପିହୁଏ?
ସବୁ ଲାଗେ ବେଳାଭୂମୀ ସିକତ ସୈକତ
ଏ ଭାବ ସମୁଦ୍ର କି ଡୁବିହୁଏ ?

 ତୁମ ଶତ କଦମ୍ବ ରୋମାଞ୍ଚରେ
 ଏ ରୂପ ଲାବଣ୍ୟ କି ଦେଖିହୁଏ?
ସବୁ ଲାଗେ ତୁଚ୍ଛ ରକ୍ତ ମାଂସର ସ୍ତୁପ
 ଏ ମାର୍ବଲ ମଶୃଣ କି ଛୁଇଁ ହୁଏ ?

 ତୁମ କଳା ମେଘି ଛାୟାକାନ୍ତିରେ
 ଏ ପ୍ରୀତି ପାର୍ବଣ କି ବୁଲିହୁଏ ?
ସବୁ ଲାଗେ ମିଛ ମାୟା ଆବରଣ
 ଏ ଦେହ ଦେହଳୀ କି ପାଇହୁଏ ?

 ତୁମ ସାଧବ ବୋହୁ ପାଟଛାଟରେ
ଏ ତାଜମହଲ କି ଦେଖିହୁଏ?
 ସବୁ ଲାଗେ ରଙ୍କ ହାତରେ ଚନ୍ଦ୍ର
ଏ ରମ୍ଭା ଭର୍ବସୀ କି ସରିନୁହେଁ ?

 ତୁମ ପୂଜା ପାଠ ଭକ୍ତି ଶ୍ରଦ୍ଧାରେ
ଏ ମିଛ ମାୟା ସଂସାର କି କଳ୍ପିହୁଏ ?
ସବୁ ଲାଗେ ତୁଚ୍ଛ ଅସାର ସଂସାର
ଏ ଅଢ଼େଇ ଦିନର ବଢ଼େଇ କି କଳିହୁଏ?

 ତୁମ ସୁଗ୍ରହଣୀ ସରାଗ ସଣ୍ଠଣାରେ
ଏ ତେଲ ଲୁଣର ଜୀବନ କି ସହିହୁଏ ?
 ସବୁ ଲାଗେ ତୁଚ୍ଛ ଅଦିନ ଅଲିଭା ପାବଚ୍ଛ
ଏ ଆଚରଣ ଉଚ୍ଚାରଣ କି ଫେଣ୍ଟି ହୁଏ ?