ଆସିଥିଲ ତୁମେ

     

ଆସିଥିଲ ତୁମେ ଜୀବନକୁ ମୋର

ସଞ୍ଜୁଆ ତାରାଟେ ହୋଇ

ଉଭେଇଗଲ ଗୋ ସପନ ଦେଖାଇ

କୁଆଁତାରା ରୂପ ନେଇ

ଫଗୁଣ ଫଗୁରେ ଭିଜାଇବା ପାଇଁ 

କଥା ମୋତେ ଦେଇଥିଲ

ଫଟା ବାଦଲର ଅବୁଝା ସୁଅରେ

ଭାସିବାକୁ ଛାଡିଗଲ

ଏତେ ଦୁଃଖ କିଆଁ ଦେଇଗଲ ମୋତେ

କେଉଁ ଅପରାଧ ପାଇଁ।

ଆସିଥିଲ ତୁମେ ଜୀବନକୁ ମୋର

ସଞ୍ଜୁଆ ତାରାଟେ ହୋଇ।୧ା

ବିରହ ଢେଉର ଆଘାତକୁ ସହି

ଶିଳା ପାଲଟିଛି ମୁହିଁ

ଦିନ ଦିନ ଧରି ପଡି ରହିଅଛି

ତୁମରି ପରଶ ପାଇଁ

ଜାଣେନି ଜୀବନେ ତୁମ ସାଥେ ଆଉ

ଦେଖା ହୋଇବ କି ନାହିଁ।

ଆସିଥିଲ ତୁମେ ଜୀବନକୁ ମୋର

ସଞ୍ଜୁଆ ତାରାଟେ ହୋଇ।୨ା